އެމްޑީޕީގެ ރައީސް އަބްދުﷲ ޝާހިދު ލޯކަލް ކައުންސިލް އިންތިހާބުގެ ކެމްޕޭނަށް ހދ އަދި ށ އަތޮޅަށް ފުރާވަޑައިގެންފި
މި ދަތުރުގައި ދޮރުން ދޮރަށް ހިނގުމާއި، ޖަގަހަ ހުޅުވުމުގެ އިތުރުން ކެނޑިޑޭޓުންނާ ބައްދަލުކޮށް މުހިންމު މަޝްވަރާތަކެއް ކުރުމަށް ވަނީ ހަމަޖެހިފަ. މިއީ އެ ޕާޓީގެ ކެމްޕޭން ރަސްމީކޮށް ލޯންޗުކުރުމަށްފަހު އަތޮޅުތަކުގެ ތާއީދު ހޯދުމަށް ކުރިއަށްގެންދާ ސިލްސިލާ ހަރަކާތްތަކުގެ ބައެކެ.
އެމްޑީޕީގެ ރައީސް އަބްދުﷲ ޝާހިދު ގެ އިތުރުން ރައްޔިތުން މަޖިލީހުގެ މެންބަރު މީކާއިލް އަހުމަދު ނަސީމް އާއި ވައިކަރަދޫ ދާއިރާގެ މެމްބަރު ހުސެއިން ޒިޔާދު އަދި އެމްޑީޕީގެ ބައެއް އާންމު މެންބަރުން | ރާއްޖެ އެމްވީ
ކުރިއަށް އޮތް ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑިޕީގެ ރައީސް އަބްދުﷲ ޝާހިދު ހދ އާއި ށ އަތޮޅަށް ފުރާ ވަޑައިގެންފި އެވެ.
ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބުގެ ކެމްޕޭނަށް އެމްޑީޕީގެ ރައީސް އަބްދުﷲ ޝާހިދު ގެ އިތުރުން ރައްޔިތުން މަޖިލީހުގެ މެންބަރު މީކާއިލް އަހުމަދު ނަސީމް އާއި ވައިކަރަދޫ ދާއިރާގެ މެމްބަރު ހުސެއިން ޒިޔާދު އަދި އެމްޑީޕީގެ ބައެއް އާންމު މެންބަރުންވެސް ބައިވެރިވެވަޑައިގަންނަވަ އެވެ.
އެގޮތުން މިދަތުރުގައި ހދ އަތޮޅުގެ ރަށްތަކުގެ އިތުރުން ށ އަތޮޅު ރަށްތަކުގައިވެސް ކެމްޕެއިންގެ ހަރަކާތްތައް ކުރިއަށް ގެންދިއުމަށް ވަނީ ހަމަޖެހިފަ އެވެ. ކުރިއަށް އޮތް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބުގެ ކެމްޕެއިން ފެބްރުއަރީ މަހުގެ 12 ވަނަ ދުވަހުގެ ރޭ ލޯންޗުކުރުމަށް ފަހު އެމްޑީޕީން އަންނަނީ އަތޮޅުތެރޭގެ އެކި ރާށްރަށަށް ޒިޔާރަތް ކުރައްވަމުންނެވެ.
އެމްޑީޕީގެ ރައީސް އަބްދުﷲ ޝާހިދު ބައިވެރިވެވަޑައިގަންނަވާ މިދަތުރުފުޅުގައި ޒިޔާރަތްކުރައްވާ ދެ އަތޮޅުގެ ވެސް ދޮރުން ދޮރަށް ކެމްޕެއިން ހަރަކާތުގެ އިތުރުން ޖަގަހަ ހުޅުވުމުގެ ހަރަކާތްތައްވެސް ކުރިއަށް ގެންދިއުމަށް ވަނީ ހަމަޖެހިފަ އެވެ.
އޭގެ އިތުރުން ކެނޑިޑޭޓުންނާއި ބައްދަލުކުރައްވާ މުހިންމު މަޝްވަރާތަކެއް ކުރައްވާނެ އެވެ.
