އީރާނުން އިޒްރޭލަށާއި ގަތަރުގައި ހުންނަ އެމެރިކާ މަރުކަޒަކަށް ހަމަލާދީފި
އީރާނުގެ އެއްގަމާއި، ވައިގެ އަދި ކަނޑުގެ ސިފައިން ބޭނުންކުރާ ނުރައްކާތެރި ޑްރޯންތަކުން އިޒްރޭލުގެ އަސްކަރީ ސަރަހައްދުތަކަށް އަންގާރަ ދުވަހު ވަނީ ހަމަލާތަކެއް ދީފައި. މީގެ އިތުރުން ގަތަރުގެ އަލް-އުދައިދުގައި ހުންނަ އެމެރިކާ ސިފައިންގެ މަރުކަޒުތަކަށް ވެސް އީރާނުން ހަމަލާދީފައިވާ ކަމަށް އެ ގައުމުގެ އަސްކަރިއްޔާއާ ހަވާލާދީ "ޝަރަގް" ނޫހުން ރިޕޯޓުކޮށްފައިވޭ.
ގަތަރުގެ ދޯހާގައި ހުންނަ އަލް-އުދައިދު އެއާ ބޭސްގައި، އެމެރިކާގެ އެއާ ފޯސްގެ މަތިންދާބޯޓުތަކެއްގެ ކައިރީގައި އެމެރިކާ އަސްކަރިއްޔާގެ އޮފިސަރުންތަކެއް މަޑުކޮށްލައިގެން. | ރޮއިޓާސް
އީރާނުގެ އަސްކަރިއްޔާއިން އިޒްރޭލަށާއި ގަތަރުގައި ހުންނަ އެމެރިކާގެ އަސްކަރީ މަރުކަޒަކަށް އަންގާރަ ދުވަހު ހަމަލާތަކެއް ދީފި ކަމަށް އެ ގައުމުން ބުނެފިއެވެ.
އީރާނުގެ "ޝަރަގް" ނޫހުން އާންމުކޮށްފައިވާ އެ ގައުމުގެ އަސްކަރިއްޔާގެ ބަޔާނެއްގައި ބުނެފައިވަނީ، އީރާނުގެ އެއްގަމާއި، ވައިގެ އަދި ކަނޑުގެ ސިފައިން ބޭނުންކުރާ ނުރައްކާތެރި ޑްރޯންތަކުން، އިޒްރޭލުން ހިފާފައިވާ ފަލަސްތީނުގެ ބިންތަކުގައި ހުރި ޒަޔަނިސްޓުންގެ އަސްކަރީ ސަރަހައްދުތަކަށާއި، ގަތަރުގެ އަލް-އުދައިދުގައި ހުންނަ އެމެރިކާ ސިފައިންގެ މަރުކަޒުތަކަށް އަމާޒުކޮށް ހަމަލާދީފައިވާ ކަމަށެވެ.
