އެމެރިކާއާ ދެކޮޅަށް ދިގު ދެމިގެންދާ ހަނގުރާމައެއް ކުރަން އީރާން އޮތީ ތައްޔާރަށް

އެމެރިކާ އާއި އިޒްރޭލްއާ ދެކޮޅަށް ކުރަމުންދާ ހަނގުރާމަ ދިގު މުއްދަތަކަށް ދެމިގެން ދިޔަ ނަމަވެސް، އެކަމަށް އީރާން އޮތީ ފުރިހަމަ އަށް ތައްޔާރަށް ކަމަށް އެ ޤައުމުގެ ސުޕްރީމް ނެޝަނަލް ސެކިއުރިޓީ ކައުންސިލްގެ އިސްވެރިޔާ އަލީ ލަރިޖާނީ ވިދާޅުވެއްޖެ އެވެ. 

ހޯމަ ދުވަހު އެކްސްގައި ކުރެއްވި ޕޯސްޓެއްގައި ލަރިޖާނީ ވިދާޅުވީ، އެމެެރިކާއާ ޚިލާފަށް، އީރާން އިން ތައްޔާރުވެފައި ވަނީ ދިގު ދެމިގެންދާ ހަނގުރާމަ އަކަށް ކަމަށެވެ. އަދި ކޮންމެ ފަދަ އަގަކަށް ވިޔަސް، އީރާންގެ ދިފާއުގައި ކުރަން ޖެހޭ ކޮންމެ ކަމެއް އެ ޤައުމުން ކުރާނެ ކަމުގެ ޔަގީންކަން ލަރިޖާނީ ވަނީ ދެއްވައިފަ އެވެ. 

މިހާރު ކުރިއަށްދާ ކުރިމަތިލުން ތަކުގައި އެމެރިކާގެ ވައިގެ އަދި ކަނޑުގެ ސިފައިންނާއި، އިޒްރޭލްގެ ފައުޖުތައް ގުޅިގެން ދަނީ އީރާން އަށް ވަރުގަދަ ހަމަލާ ތަކެއް ދެމުންނެވެ. އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެފައި ވަނީ މި ހަމަލާ ތަކުގެ މައިގަނޑު މަގްސަދަކީ، އީރާންގެ އަސްކަރީ ޤާބިލުކަން އެއްކޮށް ނައްތާލުން ކަމަށެވެ. 

އެމެރިކާ އާއި އިޒްރޭލް އިން ދެމުން އަންނަ ހަމަލާ ތަކަށް ރައްދު ދިނުމުގެ ގޮތުން، އީރާން ވެސް ދަނީ އިޒްރޭލް އަކީ އެކި ސަރަހައްދު ތަކަށާއި، މެދު އިތުމަގީގައި ޤާއިމު ކޮށްފައިވާ އެމެރިކާގެ އަސްކަރީ މަރުކަޒު ތަކަށް އަމާޒުކޮށް މިސައިލް ހަމަލާތައް ދެމުންނެވެ.

އެމެރިކާ އާއި އިޒްރޭލްގެ ހަމަލާ ތަކުގެ ސަބަބުން މެދު އިރުމަތީގެ މަސްލަޙަތު ވަނީ ގެއްލިފަ އެވެ. މިއީ އެ ސަރަހައްދުގައި ބޮޑު ހަނގުރާމައެެއް  ފެށި ދާނެ ކަމުގެ އިންޒާރެއް ކަމަަށް މާހިރުން ފާަހަގަ ކޮށްފައިވެ އެވެ.