އަލީރިޒާ އަރާފީ އީރާނުގެ ވަގުތީ ލީޑަރޝިޕް ކައުންސިލަށް
އީރާނުގެ ވަގުތީ ލީޑަރޝިޕް ކައުންސިލްގެ މެންބަރަކަށް އާޔަތުﷲ އަލީރިޒާ އަރާފީ އައްޔަންކުރުމަށް އެ ގައުމުގެ އެކްސްޕީޑިއެންސީ ޑިސަރންމަންޓް ކައުންސިލުން ނިންމައިފި. ރައީސް ގެ އިތުރުން ފަނޑިޔާރުގެތަކުގެ އިސްވެރިޔާ ހިމެނިވަޑައިގަންނަވާ މި ކައުންސިލުން ގައުމުގެ ކަންކަން ބަލަހައްޓަމުންދާނީ، އެސެމްބްލީ އޮފް އެކްސްޕަރޓްސްއިން ދާއިމީ ލީޑަރަކު އިންތިޚާބު ކުރަންދެން.
އަލީރިޒާ އަރާފީ | އެކްސް
އީރާނުގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަކޮށްލުމާ ގުޅިގެން، އެ ގައުމު ހިންގުމާ ވަގުތީގޮތުން ހަވާލުވާ ލީޑަރޝިޕް ކައުންސިލްގެ މެންބަރަކަށް އަލީރިޒާ އަރާފީ އާދިއްތަ ދުވަހު އައްޔަންކޮށްފިއެވެ.
އީރާނުގެ އެކްސްޕީޑިއެންސީ ޑިސަރންމަންޓް ކައުންސިލްގެ ތަރުޖަމާނު މުހުސިން ދަހްނަވީ އެކްސްގައި ކުރެއްވި ޕޯސްޓެއްގައި ވިދާޅުވީ، ވަގުތީ ލީޑަރޝިޕް ކައުންސިލްގެ މެންބަރެއްގެ ގޮތުގައި އާޔަތުﷲ އަލީރިޒާ އަރާފީ އިންތިޚާބު ކުރުމަށް އެ ކައުންސިލުން ނިންމާފައިވާ ކަމަށެވެ.
އީރާނުގެ ރައީސް ގެ އިތުރުން ފަނޑިޔާރުގެތަކުގެ އިސްވެރިޔާވެސް ހިމެނިވަޑައިގަންނަވާ މި ވަގުތީ ކައުންސިލުން ގައުމުގެ ކަންކަން ބަލަހައްޓަމުންދާނީ، އެ ގައުމުގެ އެސެމްބްލީ އޮފް އެކްސްޕަރޓްސްއިން ވީ އެންމެ އަވަސް ފުރުސަތެއްގައި ދާއިމީ ލީޑަރަކު އިންތިޚާބު ކުރަންދެނެވެ.
