ޚާމަނާއީ އަވަހާރަކޮށްލުމުން އީރާނުން ބަދަލުހިފުން ވާޖިބު ކަމަށް ރައީސް ޕެޒެޝްކިއަން ވިދާޅުވެއްޖެ
އީރާނުގެ ރޫހާނީ ލީޑަރު އަލީ ޚާމަނައީ އަވަހާރަކޮށްލުމާ ގުޅިގެން، އެކަމުގެ ބަދަލުހިފުމަކީ ގައުމީ ފެންވަރުގައި އަދާކުރަންޖެހޭ މަސްއޫލިއްޔަތެއް ކަމަށް އެ ގައުމުގެ ރައީސް މަސްއޫދު ޕެޒެޝްކިއަން ވިދާޅުވެއްޖެ. ދައުލަތުގެ މީޑިއާއިން އާންމުކުރި ބަޔާނެއްގައި ޕެޒެޝްކިއަން ވިދާޅުވީ، މި ޖަރީމާ ހިންގި ފަރާތްތަކުގެ ކިބައިން ބަދަލުހިފުމަކީ އީރާނަށް ލިބިގެންވާ ގާނޫނީ ހައްގެއް ކަމަށް.
އީރާނުގެ ރައީސް މަސްއޫދު ޕެޒެޝްކިއަން. | ގެޓީ އިމޭޖަސް
އެމެރިކާ އާއި އިޒްރޭލުން ދިން ވަރުގަދަ ހަމަލާތަކެއްގައި އީރާނުގެ ރޫހާނީ ލީޑަރު އަލީ ޚާމަނާއީ އަވަހާރަކޮށްލުމާ ގުޅިގެން، އެކަމުގެ ބަދަލުހިފުމަކީ އިސްލާމީ ޖުމްހޫރިއްޔާގެ ހައްގެއް ކަމަށާއި އެއީ އަދާކުރަންޖެހޭ ވާޖިބެއް ކަމަށް އީރާނުގެ ރައީސް މަސްއޫދު ޕެޒެޝްކިއަން އާދިއްތަ ދުވަހު ވިދާޅުވެއްޖެއެވެ.
ދައުލަތުގެ މީޑިއާއިން އާންމުކުރި ބަޔާނެއްގައި ޕެޒެޝްކިއަން ވިދާޅުވީ، މި ބޮޑު ޖަރީމާ ރޭވި ފަރާތްތަކާއި އެކަން ތަންފީޒުކުރި މީހުންގެ ކިބައިން ބަދަލުހިފުމަކީ އީރާނަށް ލިބިގެންވާ ގާނޫނީ ހައްގެއް ކަމަށާއި، އެއީ ގައުމީ ފެންވަރުގައި އަދާކުރަންޖެހޭ މަސްއޫލިއްޔަތެއް ކަމަށް އީރާނުން ދެކޭ ކަމަށެވެ.
ވޭތުވެދިޔަ އެތައް އަހަރެއްގެ ތެރޭގައި އީރާނުގެ އަމާޒުތަކަށް ދިން އެންމެ ވަރުގަދަ ހަމަލާތަކުގައި، އެމެރިކާއާއި އިޒްރޭލުން ހޮނިހިރު ދުވަހު އަލީ ޚާމަނައީ އަވަހާރަކޮށްލާފައިވާކަން އެ ގައުމުގެ ދައުލަތުގެ މީޑިއާއިން އާދިއްތަ ދުވަހު ވަނީ ކަށަވަރުކޮށްދީފައެވެ.
މަސްދަރު: އޭއެފްޕީ
