އީރާނުގެ ރައީސް ސަލާމަތުން ހުންނެވި ކަމަށް ދައުލަތުގެ މީޑިއާ ރިޕޯޓްކޮށްފި
އިޒްރޭލާއި އެމެރިކާ އިން އީރާނަށް ދިން ހަމަލާތަކަށް ފަހު އެ ގައުމުގެ ރައީސް މަސްއޫދު ޕެޒެޝްކިއަންގެ ހާލުކޮޅު ރަނގަޅުކަމަށާއި، އެމަނިކުފާނު ހުންނެވީ ސަލާމަތުން ކަމަށް އީރާނުގެ ދައުލަތުގެ މީޑިއާތަކުން ވަނީ ކަށަވަރުކޮށްދީފި.
އީރާނުގެ ވެރިރަށް ތެހެރާންގައި 2026 ވަނަ އަހަރުގެ ފެބްރުއަރީ މަހުގެ 11 ވީ ބުދަ ދުވަހު ބޭއްވި އެ ގައުމުގެ އިސްލާމީ އިންގިލާބަށް 47 އަހަރު ފުރުމުގެ މުނާސަބަތުގައި ބޭއްވި ރަސްމިއްޔާތުގައި، އީރާނުގެ ރައީސް މަސްއޫދު ޕެޒެޝްކިއާން ވާހަކަފުޅު ދައްކަވަނީ. | އޭއެފްޕީ
އެމެރިކާއާއި އިޒްރޭލުން އީރާނަށް ދިން ހަމަލާތަކެއް ދީފައިވަނިކޮށް، އެ ގައުމުގެ ރައީސް މަސްއޫދު ޕެޒެޝްކިއަންގެ ހާލުކޮޅު ރަނގަޅު ކަމަށާއި، އެމަނިކުފާނު ހުންނެވީ ސަލާމަތުން ކަމަށް އީރާނުގެ ދައުލަތުގެ މީޑިއާތަކުން ހޮނިހިރު ދުވަހު ރިޕޯޓުކޮށްފިއެވެ.
އީރާނުގެ ރަސްމީ ނިއުސް އެޖެންސީ "އިރްނާ" އާއި، "މެހެރު" އަދި "އިސްނާ" ނިއުސް އެޖެންސީން ރިޕޯޓުކޮށްފައިވާ ގޮތުގައި، ރައީސް މަސްއޫދު ޕެޒެޝްކިއަން ހުންނެވީ ސަލާމަތްތެރިކަމާއެކުގައެވެ. އަދި އެމަނިކުފާނަށް އެއްވެސް ނުރައްކަލެއް ނުވަތަ ދަތިކަމެއް ކުރިމަތިވެފައި ނުވާކަމަށްވެސް އެ އެޖެންސީތަކުން ވަނީ ކަށަވަރުކޮށްދީފައެވެ.
