އެމެރިކާ އާއި އިޒްރޭލުން ރަތް ރޮނގު ހުރަސް ކޮށްފި، ބޮޑެތި ހަމަލާ ތަކެއް ކުރިމަތި ކުރާނަން: އީރާންގެ ޤާނޫނު ހަދާ މަޖިލީހުގެ ރައީސް

އެމެރިކާ އާއި އިޒްރޭލުން ވަނީ ރަތް ރޮނގު ހުރަސްކޮށްފައި ކަމަށާއި، އޭގެ ރައްދުގައި އީރާނުން ވަރުގަދަ ހަމަލާ ތަކެއް ކުރިމަތި ކުރުވާނެ ކަމުގެ އިންޒާރު، އީރާާނުގެ ޤާނޫނު ހަދާ މަޖިލީހުގެ ރައީސް މުޙައްމަދު ބާގިރު ޣަލިބާފް ވެސް ދެއްވައިފި އެވެ. 

އެމެރިކާގެ ހަމަލާ ތަކުގައި އީރާނުގެ ރޫހާނީ ލީޑަރު އާޔަތުﷲ އަލީ ޚާމަނައީ އަވަހާރަ ކޮށްލުމާާ ގުޅިގެން، އީރާންގެ ޤާނޫނު ހަދާ މަޖިލީހުގެ ރައީސް ވިދާޅުވީ އެމެރިކާާ އާއި އިޒްރޭލްގެ ލީޑަރުންނަކީ "ނަޖިސް އަދި ޖިނާއީ ކުށްވެރިން" ތަކެއް ކަމަށެވެ. އަދި އީރާނަށް ދެމުންދާ ހަމަލާ ތަކާ ދެކޮޅަށް، އެ ޤައުމު ތަކަށް ވަރުގަދަ ހަމަލާ ތަކެއް ދެއްވާނެ ކަމަށް އޭނާ ވިދާޅުވި އެވެ.

ޓީވީ މެދުވެރިކޮށް ދެއްވި ބަސްދީގަތުމެއްގައި އީރާނުގެ ޤާނޫނު ހަދާ މަޖިލީހުގެ ރައީސް ވިދާޅުވީ، އެމެރިކާ އާއި އިޒްރޭލުން ވަނީ އީރާނުގެ ރަތް ރޮނގު ހުރަސްކޮށްފައި ކަމަށެވެ. އެހެންކަމުން އެ ކަމުގެ އަގު ދައްކަން ޖެހޭނެ ކަމަށާއި، އީރާނުން ދޭނީ ބޮޑެތި އަދި ވަރުގަދަ ހަމަލާ ތަކެއް ކަމަށް އޭނާ ވިދާޅުވި އެވެ. އެއީ އެމެރިކާ އާއި އިޒްރޭލުން އަމިއްލައަށް އެދިފައިވާ އެދުމެއް ކަމަށް ވެސް އޭނާ ސިފަ ކުރެއްވި އެވެ.

މިއީ ހޮނިހިރު ދުވަހު އެމެރިކާ އާއި އިޒްރޭލުން އީރާނަށް އަމާޒުކޮށް ވަރުގަދަ ހަމަލާ ތަކެއް ދޭން ފެށި ފަހުން، އެ ޤައުމުގެ މަތީ ފަންތީގެ އޮފިޝަލަކު ޓީވީ އިން ފެނިވަޑައިގެންނެވި ފުރަތަމަ ފަހަރެވެ. 

މާހިރުން ފާާހަގަ ކޮށްފައިވާ ގޮތުގައި، އީރާާނަށް ދެމުން އަންނަ ހަމަލާތަކާ ގުޅިގެން އެ ޤައުމުގެ އިސް އޮފިޝަލުން މިފަދަ އިންޒާރުތައް ދިނުމަކީ ނުރައްކާތެރި ކަމެކެވެ. އަދި މިއީ ހަމަލާ ތަކުގެ ރައްދުގައި އީރާނުން ވަރުގަދަ ޖަވާބެއް ދޭނެ ކަމުގެ އިންޒާރު ތަކެއް ކަމަށް ވެސް މާހިރުން ފާހަގަ ކޮށްފައިވެ އެވެ. 

އީރާނުގެ ޤާނޫނު ހަދާ މަޖިލީހުގެ ރައީސް ގަލިބާފްގެ ވާހަކަ ފުޅުގައި ވަނީ އެމެރިކާ އާއި އިޒްރޭލްގެ ލީޑަރުންނަަށް ވަރަށް ބޮޑަށް ފާޑު ވިދާޅުވެފަ އެވެ. އަދި އެ ފަރާތްތަކުން އީރާނަށް ދެމުން އަންނަ ހަމަލާ ތަކަކީ އެއްވެސް މިންވަރަކަށް ޤަބޫލު ކުރެވޭނެ ކަމެއް ނޫން ކަމަށް ވެސް އޭނާ ވިދާޅުވެފައިވެ އެވެ، 

މެދު އިރުމަތީގެ މަސްރަހު މިހާރު ވެސް ނުތަނަވަސްވެފައިވާއިރު، އީރާނުން އިންޒާރުގެ ބަސްތައް ދިނުމަކީ އެ ސަރަހައްދުގެ މަސްލަހަތު އިތުރަށް ގޯސްވެ، ވަރުގަދަ ކުރިމަތިލުން ތަކެއް ހިނގައިފާނެ ކަމުގެ ނިޝާނެއް ކަމަށް މާހިރުން ބުނެ އެވެ.