އީރާނުން ދިން ހަމަލާ އެއްގައި އަބޫދާބީގެ ޒައިދު އިންޓަނޭޝަނަލް އެއާޕޯޓުގައި މަދުވެގެން އެކަކު މަރުވެއްޖެ

އީރާނުން ޔޫއޭއީ އާއި ގަލްފުގެ ގައުމުތަކަށް އަމާޒުކޮށް ދިން ހަމަލާތަކަކާ ގުޅިގެން، އަބޫދާބީގެ ޒައިދު އިންޓަނޭޝަނަލް އެއާޕޯޓުގައި ހިނގި "ހާދިސާއެއްގައި" މަދުވެގެން އެކަކު މަރުވެ ހަތް މީހަކު ޒަޚަމްވެފައިވާ ކަމަށް އާދީއްތަ ދުވަހު އޮފިޝަލުން ބުނެފި އެވެ.

އަބޫދާބީގެ އެއާޕޯޓުތައް ބަލަހައްޓާ އިދާރާއިން އެކްސްގައި އާންމުކުރި ބަޔާނެއްގައި ބުނެފައިވަނީ، ޒައިދު އިންޓަނޭޝަނަލް އެއާޕޯޓުގައި ހިނގި މި ހާދިސާގައި އޭޝިއާގެ ރައްޔިތަކު މަރުވެފައިވާ ކަމަށާއި، އިތުރު ހަތް މީހަކަށް އެކިވަރުގެ އަނިޔާތައް ލިބިފައިވާކަން އެ އިދާރާއިން ކަށަވަރުކޮށްދޭ ކަމަށެވެ.