އިރާނުން ގަލްފްގައި ހުރި އެމެރިކާގެ އަސްކަރީ މަރުކަޒުތަކަށް ދެވަނަ ބުރަށް ހަމަލާ ދޭން ފަށައިފި
އިޒްރޭލާއި އެމެރިކާއިން ދިން ހަމަލާތަކުގެ ބަދަލުހިފުމުގެ ގޮތުން އިރާނުގެ އައި.އާރު.ޖީ.ސީ އާ ހަވާލާދީ އެ ގައުމުގެ ދައުލަތުގެ މީޑިއާއިން ރިޕޯޓްކޮށްފައިވާ ގޮތުގައި، މިސައިލް ހަމަލާތަކުގެ އާ ބުރެއް އެ ފައުޖުން މިހާރު ވަނީ ފަށާފައި.
އިޒްރޭލާއި އެމެރިކާއިން އީރާނަށް ދިން ހަމަލާތަކާ ގުޅިގެން، ބަހްރޭންގެ މަނާމާގައި ހުންނަ އެމެރިކާގެ ފަސްވަނަ ފްލީޓްގެ ސާވިސް ސެންޓަރަށް މިސައިލް ހަމަލާތަކެއް ދީފައިވާ ކަމަށް އެ ގައުމުގެ ދައުލަތުގެ މީޑިއާއިން ރިޕޯޓްކޮށްފި. 2026 ފެބްރުއަރީ 28 ވަނަ ދުވަހު ނަގާފައިވާ މި ވީޑިއޯ ފުޓޭޖުން ފެންނަ ގޮތުގައި، އެ ސަރަހައްދަށް ދިން ހަމަލާތަކަށްފަހު އެ ސަރަހައްދުން ބޯކޮށް ދުން އަރަމުންދޭ. | ރޮއިޓާސް
އިޒްރޭލާއި އެމެރިކާއިން އިރާނަށް ދިން ހަމަލާތަކުގެ ބަދަލުހިފުމުގެ ގޮތުން، ގަލްފް ސަރަހައްދުގައި ހުރި އެމެރިކާގެ އަސްކަރީ މަރުކަޒުތަކަށް އަމާޒުކޮށް އިރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައި.އާރު.ޖީ.ސީ) އިން އާ މިސައިލް ހަމަލާތަކެއް ފޮނުވާލާފައިވާ ކަމަށް އެ ގައުމުގެ ދައުލަތުގެ މީޑިއާއިން ހޮނިހިރު ދުވަހު ރިޕޯޓްކޮށްފިއެވެ.
އައި.އާރު.ޖީ.ސީ އާ ހަވާލާދީ ދައުލަތުގެ މީޑިއާއިން ރިޕޯޓްކޮށްފައިވާ ގޮތުގައި، އެމެރިކާގެ އަސްކަރީ މަރުކަޒުތަކަށް އަމާޒުކޮށް މިސައިލް ހަމަލާތަކުގެ އާ ބުރެއް އެ ފައުޖުން މިހާރު ވަނީ ފަށާފައެވެ.
މަސްދަރު: އޭއެފްޕީ
