ކުވައިތުން ތަރާވީޙް ނަމާދު މެދުކަނޑާލައިފި، އީރާނުގެ ހަމަލާގައި އެ ގައުމުގެ 12 މީހަކަށް އަނިޔާވެއްޖެ
ސަރަޙައްދީ މަޝްރަޙަށް އަންނަމުންދާ ބަދަލުތަކާ ގުޅިގެން ކުވައިތުގެ އަލީ އަލް-ސާލިމް އެއާ ބޭސްއަށް ބެލިސްޓިކް މިސައިލް ހަމަލާތަކެއް އަމާޒުވެ، ސިފައިންގެ ތިން މެންބަރަކަށާއި އިތުރު ބަޔަކަށް ވަނީ އެކިވަރުގެ އަނިޔާ ލިބިފައި. މި ހާދިސާތަކުގައި އަނިޔާވި 12 މީހެއްގެ ހާލަތު މިހާރު ކޮންޓްރޯލް ކުރެވިފައިވާ ކަމަށް އެ ގައުމުގެ ހެލްތު މިނިސްޓްރީން ވަނީ ހާމަކޮށްފައި.
ކުވޭތުގެ އަލީ އަލް ސާލިމް އެއާ ބޭސްއަށް އަމާޒުކޮށް ފޮނުވާލި ބެލިސްޓިކް މިސައިލްތަކާއި ޑްރޯންތައް ހުއްޓުވުމަށް ހިންގި އޮޕަރޭޝަންތަކުގެ ތެރޭގައި، އޭގެ ބައިތައް ވެއްޓި އެ ގައުމުގެ އަސްކަރިއްޔާގެ ތިން މެންބަރަކަށް އަނިޔާވެފައިވާ ކަމަށް ކުވޭތުގެ މިނިސްޓްރީ އޮފް ޑިފެންސުން ހޮނިހިރު ދުވަހުު ބުނި. | ސްކްރީން އިމޭޖް
ކުވައިތުގެ މިސްކިތްތަކުގައި ތަރާވީޙް ނަމާދު ކުރުން ވަކި މުއްދަތެއް ނެތް ގޮތަށް މެދުކަނޑާލައިފި އެވެ.
ކުވައިތުގެ މިނިސްޓްރީ އޮފް އިސްލާމިކް އެފެއާޒުން ވަނީ، ރަމަޟާން މަހުގެ ރޭތައް އިޙްޔާ ކުރުމަށް ކުރާ ތަރާވީޙް ނަމާދު އެ ގައުމުގެ ހުރިހާ މިސްކިތެއްގައި ކުރުން، ވަކި ގޮތެއް އަންގަންދެން މެދުކަނޑާލާފައިވާކަން އިޢުލާނުކޮށްފައެވެ.
ކުވެއިތަށް ހޮނިހިރު ދުވަހު އަމާޒުވި މިސައިލް ހަމަލާއަކާ ގުޅިގެން 12 މީހަކަށް އަނިޔާވެފައިވާ ކަމަށް އެ ގައުމުގެ މިނިސްޓްރީ އޮފް ހެލްތުން ބުނެފައިވެއެވެ. ނަމަވެސް، އަނިޔާވި ހުރިހާ އެންމެންގެ ހާލަތު މިހާރު ރަނގަޅު ކަމަށް އެ މިނިސްޓްރީން ބުނެއެވެ.
މީގެ އިތުރުން، އަލީ އަލް-ސާލިމް އެއާ ބޭސްއަށް ވެއްޓުނު މިސައިލްގެ ބައިތަކުގެ ސަބަބުން، ކުވައިތުގެ ހަތިޔާރު އެޅި ސިފައިންގެ ތިން މެންބަރަކަށް އަނިޔާވެފައިވާ ކަމަށް ވެސް އެ މިނިސްޓްރީން ހާމަކޮށްފައިވެއެވެ.
ކުވައިތުގެ ޑިފެންސް މިނިސްޓްރީން މީގެ ކުރިން ބުނެފައިވާ ގޮތުގައި، އަލީ އަލް-ސާލިމް އެއާ ބޭސްއަށް ވަނީ ގިނަ އަދަދެއްގެ ބެލިސްޓިކް މިސައިލް ހަމަލާތަކެއް އަމާޒުވެފައެވެ.
