ސަރަހައްދުގައި ހުރި އެމެެރިކާ އާއި އިޒްރޭލްގެ ހުރިހާ މަރުކަޒު ތަކަށް ހަމަލާ ދޭނެ ކަމުގެ އިންޒާރު އަނެއްކާ ވެސް އީރާނުން ދީފި

ސަރަހައްދުގައި ހުރި އެމެރިކާ އާއި އިޒްރޭލްގެ ހުރިހާ މަރުކަޒު ތަކަކަށް ހަމަލާ ދޭނެ ކަމުގެ އިންޒާރު އީރާނުން އަނެއްކާ ވެސް ދީފި އެވެ. 

އީރާން އިން އދ. އަށް ކަނޑައަޅުއްވާފައި ހުންނަވާ ސަފީރު އަމީރު ސައީދު އިރަވާނީ ވިދާޅުވީ، ސަރަހައްދުގައި ހުރި އެމެެރިކާ އާއި އިޒްރޭލްގެ ހުރިހާ މަރުކަޒު ތަކާއި ވަސީލަތްތަކަކީ ހަމަލާ ދޭން ޖެހޭ އަމާޒުގެ ގޮތުގައި އީރާން އިން ބަލަމުން އަންނަ ކަމަށެވެ.

އެއާ އެކު އޭނާ ވިދާޅުވީ، އީރާނުން އެ ޤައުމުގެ އަމިއްލަ ނަފްސުގެ ދިފާއުގައި ފުރިހަމަ އަަށް މަސައްކަތް ކުރާނެ ކަމަށާއި، އީރާނުން އެ ހައްގު ދޫކޮށް ނުލާނެ ކަމަށެވެ. އަދި އެއީ އީރާނަށް ލިބިގެންވާ ޤާނޫނީ ހައްގެއް ކަމަށް ވެސް އޭނާ ވިދާޅުވި އެވެ. 

މީގެ އިތުރުން އިރަވާނީ ވިދާޅުވީ، އީރާނުން އަމިއްލަ ނަފްސު ދިފާއު ކުރުމުގެ ހައްގު ބޭނުން ކުރުން ދެމެހެއްޓޭނީ، އެމެެެރިކާ އާއި އިޒްރޭލްގެ ހަމަލާތައް މުޅިން ހުއްޓާލުމުން ކަމަށެވެ. އެއާ އެކު އޭނާ ވިދާޅުވީ، އިޒްރޭލް އާއި އެމެެރިކާ އިން އީރާނަށް ދެމުން އަނަނަ ހަމަލާތައް ހުއްޓާލަން ޖެހޭ ކަމަށެވެ. 

އިތުރަށް އިރަވާނީ ވިދާޅުވީ، އީރާންގައި ކައިރީގައި އޮންނަ ޤައުމު ތަކުގެ ސިޔާދަތާއި ސަރަހައްދީ ހުރުމަތް ދެނެގަނެ، އެކަމަށް އިހްތިރާމް ކުރާ ޤައުމެއް ކަމަށެވެ. އަދި އީރާންގެ ކައިރީގައި އޮންނަ ޤައުމު ތަކުގެ ސިޔާދަތަށް އިހްތިރާމް ކުރުމުގައި ބަދަލެެއް ނާންނާނެ ކަމަށް ވެސް ވިދާޅުވި އެވެ.

އިރަވާނީ ތުހުމަތު ކުރެއްވި ގޮތުގައި އީރާންއާ ދެކޮޅަށް. އެމެރިކާ ހަނގުރާމައިގެ ތެރެއަށް ވެއްދީ އިޒްރޭލް އިންނެވެ.