އެމެރިކާ އިން އީރާންގެ ސްކޫލް އަކަށް ބޮން އަޅައި، ދަރިވަރުން ތަކެއް ޝަހީދު ކޮށްލައިފި
އެމެރިކާ އާއި އިސްރާއީލުން އިސްވެ އީރާނަށް ދިން ހަމަލާގައި ދަރިވަރުންނާއި، އެހެނިހެން މީހުން ހިމެނޭހެން 40 މީހަކު މަރުވެފައިވާ ކަމަށް ވަނީ ރިޕޯޓު ކޮށްފައި. މީގެ އިތުރުން 48 މީހަކަށް އެކިވަރުގެ އަނިޔާތައް ލިބިފައިވާ ކަމަށް ވަނީ ރިޕޯޓު ކޮށްފައި.
އެމެރިކާ އިން އީރާން އަށް އަމާޒުކޮށް ދިން ހަމަލާގެ ތެރެއިން | ރޮއިޓާސް
އެމެރިކާ އާއި އިޒްރޭލް އެކުވެގެން އީރާން އަަށް ދޭން ފެށި ހަމަލާ ތަކުގައި އެ ޤައުމުގެ ސްކޫލް އަކަށް ވެސް ބޮން އަޅައިފި އެވެ.
ހޮނިހިރު ދުވަހު އިޒްރޭލް އާއި އެމެރިކާ އިން ދިން ހަމަލާ ތަކުގެ ރައްދުގައި އީރާން އިން ވެސް ހަމަލާ ދީފައިވެ އެވެ. އީރާން އިން ވަނީ ސަރަހައްދުގައި ހުރި އެމެރިކާގެ ބޭސް ތަކަށް ވަރުގަދަ ހަމަލާ ތަކެއް ދީފަ އެވެ.
އެމެރިކާ އިން ވަނީ އީރާންގެ މިނާބް ސިޓީގައި ހުރި ސްކޫލް އަކަށް އަމާޒުކޮށް ހަމަލާ ދީފަ އެވެ. އެ ހަމަލާގައި ދަރިވަރުންނާއި، އެހެނިހެން މީހުން ހިމެނޭހެން 40 މީހަކު މަރުވެފައިވާ ކަމަށް ވަނީ ރިޕޯޓު ކޮށްފަ އެވެ. މީގެ އިތުރުން 48 މީހަކަށް އެކިވަރުގެ އަނިޔާތައް ލިބިފައިވާ ކަމަށް ވަނީ ރިޕޯޓު ކޮށްފަ އެވެ.
މިއީ އެމެރިކާ އިން ދޭން ފެށި ހަމަލާ ތަކުގައި ޓާގެޓު ކޮށްފައިވާ އަމާޒެއް ކަމަށް ރިޕޯޓުތައް ބުނެ އެވެ. މި ސްކޫލް އަށް އަމާޒުކޮށް އެމެރިކާ އިން ހަމަލާ ދީފައިވާއިރު، މިކަމާ ގުޅޭ އިތުުރު ތަފްސީލު ތަކެއް ވަގުތުން ލިބިފައި ނުވެ އެވެ.
މިއީ މެދު އިރުމަތީގެ ސަރަހައްދުގައި ނުތަނަވަސްކަން އުފެދިގެން ގޮސްފައިވާ ހަމަލާ ތަކަކަށް ވާއިރު، މުޅި ދުނިޔޭގެ ސަމާލުކަން ވަނީ މި ހަމަލާތަކަަށް ހުއްޓިފަ އެވެ.
