ރޫހާނީ ލީޑަރު ޚާމަނާއީ އަވަހާރަ ކޮށްލި ވާހަކަ އަކީ ދޮގެއް
އީރާންގެ ފޮރިން މިނިސްޓަރު އައްބާސް އަރާގްވީ ވިދާޅުވީ، އެ ޤައުމުގެ އިސް ހުރިހާ މަސްއޫލުވެރިން ވެސް ސަލާމަތުން ތިބި ކަމަށް. އެގޮތުން ލީޑާޝިޕްގެ ބޭފުޅުން ރައްކާތެރިކަމާ އެކު ތިބި ކަމަށް އަރާގްޗީ ވިދާޅުވި.
އީރާންގެ ރޫހާނީ ލީޑަރު އާޔަތުالله އަލީ ޚާމަނާއީ | ރޮއިޓާސް
އިޒްރޭލް އާއި އެމެރިކާ އިން އީރާން އަަށް ދެމުން އަންނަ ހަމަލާ ތަކުގައި، އީރާންގެ ރޫހާނީ ލީޑަރު އާޔަތުالله އަލީ ޚާމަނާއީ އަވަހާރަ ކޮށްލި ކަމަށް ބުނާ ވާހަކަ ދޮގު ކޮށްފި އެވެ.
އިޒްރޭލްގެ މީޑިއާ ތަކުން ވަނީ، އިޒްރޭލްގެ ހަމަލާ ތަކުގައި ޚާމަނާއީ އަވަހާރަ ވެފައިވާ ކަމަށް ބުނެފަ އެވެ. ނަމަވެސް އީރާން އިން ވަނީ އެކަން ދޮގު ކޮށްފަ އެވެ.
އެގޮތުން އީރާންގެ ފޮރިން މިނިސްޓަރު އައްބާސް އަރާގްވީ ވިދާޅުވީ، އެ ޤައުމުގެ އިސް ހުރިހާ ފަރާތް ތަކެއް ވެސް ސަލާމަތުން ތިބި ކަމަށެވެ. އެގޮތުން ލީޑާޝިޕްގެ ބޭފުޅުން ރައްކާތެރިކަމާ އެކު ތިބި ކަމަށް އަރާގްޗީ ވިދާޅުވި އެވެ.
މީގެ އިތުރުން އަރާގްޗީ ވިދާޅުވީ އަމިއްލަ ދިފާއުގައި ތެދުވުމުގެ ހައްގު އީރާން އަށް އޮތް ކަމަށެވެ. އެހެންކަމުން އީރާން އިން އެއްވެސް ހައްގެއް ދޫކޮށް ނުލާނެ ކަމަށް ވެސް އޭނާ ވިދާޅުވި އެވެ. އަރާގްޗީ ވިދާޅުވީ، އީރާން އޮތީ ވަރަށް ސާބިތުކަމާ އެކު އެވެ.
މީޑިއާ ތަކުގައި ބުނެފައިވާ ގޮތުން ޚާމަނާއީ އާއި، އީރާންގެ ރައީސް މަސްއޫދު ޕެޒެޝްކިއާން އަދި އެ ޤައުމުގެ އިސްވެރިންގެ ސަލާމަތާއި ރައްކާތެރިކަން ވަނީ އިތުރު ކޮށްފަ އެވެ. އެގޮތުން އެ ބޭފުޅުންނަށް ފުރިހަމަ ރައްކާތެރިކަން ދެމުން އަންނަ ކަމަށް ވަނީ ބުނެފަ އެވެ.
މަސްދަރު: ނިއުސް.އޭޒެޑް
