އިޒްރޭލާއި އެމެރިކާ އިން އީރާނަށް ހަމަލާ ދިނުމުން ބަދަލު ހިފުމުގެ ގޮތުން ގަލްފް ގައި އެމެރިކާގެ ބޭސްތައް ހުންނަ ގައުމުތަކަށް އީރާނުން ހަމަލާ ދިނުމުން ސައުދީން ކުށްވެރި ކޮށްފި
ޔޫއޭއީ އާއި ގަތަރު ހިމެނޭހެން މެދުއިރުމަތީގެ ގައުމުތަކުގެ އިސްތިގުލާލަށް އުނިކަންލިބޭ ގޮތަށް އީރާނުން ހިންގާ އުދުވާނީ އަމަލުތައް ސައުދީ އަރަބިއްޔާއިން ހަރުކަށި އިބާރާތުން ކުށްވެރިކޮށްފި. މިކަމާ ގުޅިގެން ސައުދީ ފޮރިން މިނިސްޓްރީން ނެރުނު ބަޔާނެއްގައި، ބައިނަލްއަގުވާމީ ގާނޫނުތަކާ ޚިލާފަށް ހިންގާ މިފަދަ އަމަލުތަކުގެ ނަތީޖާ ހިތްދަތިވާނެ ކަމުގެ އިންޒާރުދީ، އަވަށްޓެރި ގައުމުތަކާއެކު ސާބިތުކަމާއެކު އޮތްކަން ވަނީ ހާމަކޮށްފައި.
ސައުދީ އަރަބިއްޔާގެ ދިދަ. | ގެޓީ އިމޭޖަސް
ޔޫއޭއީ އާއި ގަތަރާއި ބަހްރޭން ހިމެނޭހެން ގަލްފާއި މެދުއިރުމަތީގެ ބައެއް ގައުމުތަކަށް އީރާނުން ދިން ހަމަލާތައް ސައުދީ އަރަބިއްޔާއިން ހޮނިހިރު ދުވަހު ކުށްވެރިކޮށްފިއެވެ.
ސައުދީގެ ފޮރިން މިނިސްޓްރީން ނެރުނު ބަޔާނެއްގައި ބުނެފައިވަނީ، ޔޫއޭއީ، ބަހްރޭން، ގަތަރު، ކުވެއިތު އަދި އުރުދުންގެ އިސްތިގުލާލަށް އުނިކަންލިބޭ ގޮތަށް އީރާނުން ހިންގަމުންދާ އުދުވާނީ އަމަލުތައް އެ ގައުމުން ހަރުކަށި އިބާރާތުން ކުށްވެރިކުރާ ކަމަށެވެ. އަދި އެ ގައުމުތަކާއެކު ސައުދީން ސާބިތުކަމާއެކު އޮތްކަން ހާމަކޮށް، ބައިނަލްއަގުވާމީ ގާނޫނުތަކާ ޚިލާފަށް ހިންގާ މިފަދަ އަމަލުތައް ކުރިއަށްދާނަމަ، އޭގެ ނަތީޖާ ވަރަށް ހިތިވާނެ ކަމުގެ އިންޒާރުވެސް ސައުދީ ސަރުކާރުން ވަނީ ދީފައެވެ.
އެމެރިކާ އާއި އިޒްރޭލުން އިސްވެ އީރާނަށް ހަމަލާތައް ވަނީ ހޮނިހިރު ދުވަހު ދޭން ފަށާފަ އެވެ. އަދި އީރާނަށް އިސްވެ ހަމަލާ ދީފި ނަމަ އެ ސަރަހައްދުގައި ހުރި އެމެރިކާގެ ބޭސް ތައް ވާނީ ހުއްދަ ޓާގެޓް ތަކަށް ކަމަށް އީރާނުން ތަކުރާރު ކޮށް ވަނީ ބުނެފަ އެވެ.
މަސްދަރު: އަލްއަރަބިއްޔާ
