އީރާނަށް ދިން ހަމަލާތަކާ ދެކޮޅަށް މުޅި ސަރަހައްދު ތެދުވުމަށް ހިޒްބުﷲ އިން ގޮވާލައިފި

އީރާނަށް އިޒްރޭލާއި އެމެރިކާއިން ދިން ހަމަލާތަކާ ދެކޮޅަށް މެދުއިރުމަތީގެ ގައުމުތަކުން ތެދުވުމަށް، އީރާނުގެ މަދަދުލިބޭ ލުބުނާނުގެ ހަނގުރާމަވެރި ޖަމާއަތް، ހިޒްބުالله އިން ހޮނިހިރު ދުވަހު ގޮވާލައިފިއެވެ.

އެ ޖަމާއަތުން ނެރުނު ބަޔާނެއްގައި، އިޒްރޭލާއި އެމެރިކާގެ މި ހަމަލާތަކާ ދެކޮޅަށް ތެދުވުމަށް ސަރަހައްދުގެ ގައުމުތަކަށާއި ރައްޔިތުންނަށް ވަނީ ގޮވާލާފައެވެ. އަދި މިކަން ހުއްޓުވުމަށް ފިޔަވަޅު ނާޅައިފިނަމަ، އޭގެ ނުރައްކާތެރި ނަތީޖާ އެއްވެސް އިސްތިސްނާއެއް ނެތި ހުރިހާ އެންމެންނަށް ކުރާނެ ކަމުގެ އިންޒާރު ވެސް ހިޒްބުالله އިން ވަނީ ދީފައެވެ.

ހިޒްބުاللهގެ ލީޑަރު ނައީމް ގާސިމް ހޮނިހިރު ދުވަހު ޓީވީ މެދުވެރިކޮށް ތަގުރީރު ކުރެއްވުމަށް ކުރިން ހަމަޖެހިފައި އޮތް ނަމަވެސް، ފަހުން ވަނީ އެ ތަގުރީރު ފަސްކޮށްފައެވެ.