އެމެރިކާ އާއި އިޒްރޭލް "ފުނޑު ފުނޑު ކޮށްލާ ފަދަ" ހަމަލާއެއް ދޭނެ ކަމުގެ އިންޒާރު އީރާން އިން ދީފި
އީރާންގެ އަސްކަރީ ތަރުޖަމާނަކު ވިދާޅުވެފައިވާ ގޮތުގައި، އީރާންގެ ރައްދު ހަމަލާ ދޭނެ ވަގުތާއި، އެ ހަަމަލާ ދޭނެ ގޮތެއް ނިންމާނީ އެ ޤައުމުގެ އަސްކަރީ ކޮމާންޑަރުން. އަދި މި ހަމަލާ އަކީ، އިޒްރޭލްގެ އިތުރުން، އެމެރިކާ އަށް ވެސް އަމާޒުވާނެ ހަމަލާއެއް ކަމަށް އީރާންގެ ބައެއް މަސްދަރު ތަކުން ވަނީ އިޝާރާތް ކޮށްފައި.
އީރާންގެ ވެރި ރަށް ތެހެރާން އަށް އަމާޒުކޮށް، އިޒްރޭލް އާއި އެމެރިކާ އިން ދިން ހަމަލާގެ ސަބަބުން ދުން ގަނޑެއް އުފެދިފައި | އަލް- ޖަޒީރާ
އެމެރިކާ އާއި އިޒްރޭލް އެކުވެގެން އީރާން އަށް ހަމަލާ ދީފައިވާއިރު، އެ ދެ ޤައުމާ ދެކޮޅަށް "ފުނޑު ފުނޑު ކޮށްލާ ފަދަ" ހަމަލާއެއް ދޭނެ ކަމުގެ އިންޒާރު އީރާން އިން ދީފި އެވެ.
ރޮއިޓާސް އިން ހޮނިހިރު ދުވަހު ރިޕޯޓު ކޮށްފައިވާ ގޮތުގައި، އީރާނަށް ދިން ހަމަލާގެ ރައްދުގައި ވަރުގަދަ ހަމަލާއެއް ދޭނެ ކަމުގެ އިންޒާރު އެ ޤައުމުގެ އޮފިޝަލަކު ވަނީ ދީފަ އެވެ. މީީޑިއާ ތަކުގައި ބުނެފައިވާ ގޮތުން، އީރާނުން އަންނަނީ ރައްދު ހަމަލާ ދިނުމަށް ފުރިހަމަ އަށް ތައްޔާރު ވަމުންނެވެ.
މިދިޔަ އަހަރުގެ ޖޫން މަހުގެ ތެރޭގައި ވެސް އިޒްރޭލް އާއި އެމެރިކާ އިން ވަނީ އީރާނަށް އަމާޒުކޮށް ހަމަލާ ދީފަ އެވެ. އެފަހަރު ވެސް އީރާންގެ އިސްވެރިން ވަނީ، ރައްދުގައި ވަރުގަދަ ހަމަލާ ތަކެއް ދޭނެ ކަމުގެ އިންޒާރު ދީފަ އެވެ. އީރާންގެ އޮފިޝަލުންނާ ހަވާލާދީ ރިޕޯޓު ކޮށްފައިވާ ގޮތުގައި، އެ ޤައުމުގެ ސިޔާދަތަށް އުނިކަން އަންނަ ފަދަ ކޮންމެ އަމަލަކަށް އެކަށީގެންވާ ރައްދު ދިނުމަކީ އީރާން އަށް އޮތް ހައްގެކެވެ.
އިޒްރޭލް އިން އީރާން އަށް ހަމަލާ ދީފި
އީރާންގެ މީޑިއާ ތަކުގައި ރިޕޯޓު ކޮށްފައިވާ ގޮތުގައި، އެމެރިކާ އާއި އިޒްރޭލް އިން އީރާންއާ ދެކޮޅަށް ހިންގާ ހަނގުރާމަ ފެށުމާއި، ދެމުން އަންނަ ހަމަލާ ތަކުގެ ރައްދު އަންނާނީ، ހީވެސް ނުކުރާހާ ވަރުގަދަކޮށެވެ. މި މައްސަލައިގައި އީރާންގެ ރޫޙާނީ ލީޑަރު، އާޔަތުﷲ އަލީ ޚާމަނާއީ ވެސް ވަނީ، ދުޝްމަނުންނާ ދެކޮޅަށް "ދަތް ދޮޅި ބިންދާލާ ފަދަ: ރައްދެއް ދޭނެ ކަމުގެ އިންޒާރު ދެއްވާފައި ކަމަށް ބުނެފައިވެ އެވެ.
ހޮނިހިރު ދުވަހު އިޒްރޭލް އާއި އެމެރިކާ އިން އީރާން އަށް ހަމަލާ ދީފައިވާއިރު، އިޒްރޭލް އިން ބުނެފައި ވަނީ އެއީ އަމިއްލަ ރައްކާތެރި ކަމުގެ ހައްގުގައި ދިން ހަމަލާއެއް ކަމަށެވެ. އީރާން އަށް ހަމަލާ ދިން ފަހުން، އިޒްރޭލްގެ އެކި ހިސާބު ތަކުގައި ސައިރެން އިއްވާފައިވާ ކަމަށް ރިޕޯޓުތައް ބުނެ އެވެ.
އީރާންގެ އަސްކަރީ ތަރުޖަމާނަކު ވިދާޅުވެފައިވާ ގޮތުގައި، އީރާންގެ ރައްދު ހަމަލާ ދޭނެ ވަގުތާއި، އެ ހަަމަލާ ދޭނެ ގޮތެއް ނިންމާނީ އެ ޤައުމުގެ އަސްކަރީ ކޮމާންޑަރުންނެވެ. އަދި މި ހަމަލާ އަކީ، އިޒްރޭލްގެ އިތުރުން، އެމެރިކާ އަށް ވެސް އަމާޒުވާނެ ހަމަލާއެއް ކަމަށް އީރާންގެ ބައެއް މަސްދަރު ތަކުން ވަނީ އިޝާރާތް ކޮށްފަ އެވެ.
މިދިޔަ އަހަރު އިޒްރޭލް އާއި އެމެރިކާ އިން އީރާން އަށް ދިން ހަމަލާއާ ގުޅިގެން، އެފަހަރު ވެސް އީރާން އިން ވަނީ ރައްދުގައި ހަމަލާ ދީފަ އެވެ.
މަސްދަރު: އަލް އަރަބިއްޔާ
