ގަތަރުގެ އެމެރިކާގެ އަސްކަރީ މަރުކަޒު، އަލް-އުދައިދު އެއަރ ބޭސްގައި ތިބި ބައެއް މުވައްޒަފުން ބުދަ ދުވަހުގެ އިރުއޮއްސުމުގެ ކުރިން އެތަނުން ފޭބުމަށް އަންގައިފި
ގަތަރުގެ އަލް-އުދައިދު މަރުކަޒަކީ ގާތްގަނޑަކަށް 10،000 ސިފައިންގެ ލަޝްކަރަކާއެކު، މެދުއިރުމަތީގައި އޮތް އެމެރިކާގެ އެންމެ ބޮޑު އަސްކަރީ މަރުކަޒު.
ގަތަރުގައި ހުންނަ އެމެރިކަން އެއާފޯސް ބޭސް | ގެޓީ އިމޭޖަސް
ގަތަރުގެ އެމެރިކާގެ އަސްކަރީ މަރުކަޒު، އަލް-އުދައިދު އެއަރ ބޭސްގައި ތިބި ބައެއް މުވައްޒަފުން ބުދަ ދުވަހުގެ އިރުއޮއްސުމުގެ ކުރިން އެތަނުން ފޭބުމަށް އިރުޝާދު ދީފައިވާ ކަމަށް ތިން ޑިޕްލޮމޭޓަކާ ހަވާލާދީ ރޮއިޓާސް އިން ރިޕޯޓުކޮށްފި އެވެ.
މިކަމާ ގުޅޭގޮތުން ދޯހާ ގައި ހުންނަ އެމެރިކާގެ އެމްބަސީން ވަގުތުން ވަކި އެއްޗެއް ބުނަން ބޭނުމެއް ނުވި ކަމަށް ވެސް ރޮއިޓާސް އިން ބުނެފައިވެ އެވެ.
ގަތަރުގެ އަލް-އުދައިދު މަރުކަޒަކީ ގާތްގަނޑަކަށް 10،000 ސިފައިންގެ ލަޝްކަރަކާއެކު، މެދުއިރުމަތީގައި އޮތް އެމެރިކާގެ އެންމެ ބޮޑު އަސްކަރީ މަރުކަޒެވެ. މީގެ ކުރިން ޖޫން މަހު އެމެރިކާ އިން އީރާނަށް ދިން ވައިގެ ހަމަލާތަކުގެ ކުރިން ވެސް، މެދުއިރުމަތީގެ އެކި ސަރަހައްދުތަކުގައި ހުރި އެމެރިކާގެ އަސްކަރީ މަރުކަޒުތަކުން ބައެއް ސިފައިން އެހެން ތަންތަނަށް ބަދަލުކޮށްފައިވެ އެވެ.
