ޠާލިބާނުންގެ ހަމަލާ ތަކުން ދިފާއުވުމުގެ ޙައްގު ޕާކިސްތާނަށް އޮންނާނެ: އެމެރިކާ

އަފްޣާނިސްތާންގެ ޠާލިބާނުންގެ ފަރާތުން އަމާޒު ވަމުން އަންނަ ހަަމަލާ ތަކުން ދިފާއުވުމުގެ ހައްގު ޕާކިސްތާން އަށް ލިބިގެންވާ ކަމަށް އެމެރިކާ އިން ބުނެފި އެވެ. 

އެމެރިކާ އިން މިހެން ބުނެފައި ވަނީ، ޕާކިސްތާން އާއި އަފްޣާނިސްތާންއާ ދެމެދު، ހުޅުވިފައިވާ ހަނގުރާމައެއް ހިނގަމުންދާ ކަމަށް ޕާކިސްތާން އިން ބުނެފައި ވަނިކޮށެވެ. 

ސްޓޭޓް ޑިޕާޓްމަންޓުގެ ތަރުޖަމާނަކު ވިދާޅުވެފައި ވަނީ، ޚާއްސަ ގޮތެއްގައި ނަން ބަޔާން ކޮށްފައިވާ ބައިނަލްއަޤުވާމީ ޓެރަރިސްޓް ގުރޫޕެއް ކަމށްވާ ޠާލިބާންގެ ހަމަލާތަކާ ދެކޮޅަށް، ޕާކިސްތާން އިން ދިފާއުވުމުގެ ޙައްޤަށް އެމެރިކާ އިން ތާއީދު ކުރާ ކަމަށެވެ. އެމެރިކާގެ ޑިޕްލޮމެޓެއް ކަމުގައިވާ، އެލިސަން ހޫކާ ވިދާޅުވެފައި ވަނީ، ޕާކިސްތާންގެ ފޮރިން ސެކްރެޓަރީ އަމްނާ ބަލޯޗާ އާއި ހުކުރު ދުވަހު ވާހަކަ ދައްކަވާފައިވާ ކަމަށެވެ. 

ހުކުރު ދުވަހު އަފްޣާނިސްތާންގެ ޠާލިބާނުން ވަނީ ޕާކިސްތާނުގެ ބާރުގަދަ ބޮޑެތި ސިޓީ ތަކުގައި ބޮމުގެ ހަމަލާތަކެއް ދީފައެވެ. އެއަށް ފަހު، ޠާލިބާނުން ބުނެފައި ވަނީ، މަޝްވަރާ ކުރަން ތައްޔާރަށް ތިބި ކަމަށެވެ. 

ޕާކިސްތާނަކީ ނިއުކްލިއާ ހަތިޔާރު ލިބިފައިވާ ޤައުމެއް ކަމަށާއި، އެ ޤައުމުގެ ސިފައިންގެ ޤާބިލުކަން އަފްޣާނިސްތާންއާ އަޅާ ބަލާއިރު ވަރަށް ބޮޑަށް މަތި ކަމަށް ބެލެވޭ ކަމުގައި މަސްރަހު ދިރާސާ ކުރާ ފަރާތްތަކުން ބުނެ އެވެ. ޕާކިސްތާން އަކީ ނޭޓޯ އަށް ނިސްބަތް ނުވާ ޤައުމު ތަކުގެ ތެރެެއިން އެމެރިކާއާ ވަރަށް ގާތް ގުޅުމެއް އޮންނަ ޤައުމެކެވެ. އެމެރިކާ އިން ޠާލިބާނުން ބަލަނީ ޓެރަރިސްޓް ޖަމާއަތެއްގެ ގޮތުގަ އެވެ.

ފަހުގެ ހަމަލާތައް ބަދަލު ކުރަން ފެށުނީ، ފާއިތުވި ހަފްތާގައި ޕާކިސްތާނުން، އަފްޣާނިސްތާންގެ ސަރަހައްދަށް ވައިގެ ހަމަލާތައް ދިނުމާއި ގުޅިގެން، ބުރާސްފަތި ދުވަހު އަފްޣާނިސްތާނުން، ބަދަލު ހިފުމަށް ހަމަލާ ދިނުމުންނެވެ. އެމެރިކާގެ ސްޓޭޓް ޑިޕާޓްމަންޓުގެ ތަރުޖަމާނު ވިދާޅުވީ، ޕާކިސްތާން އާއި ޠާލިބާނުންގެ ދެމެދު ހިނގަމުންދާ ހަނގުރާމައިގެ ޚަބަރާއި ޝަކުވާތައް އިތުރުވަމުންދާކަން އެމެރިކާ އަށް އެނގިފައިވާ ކަމަށެވެ. އަދި ބައެއްގެ ފުރާނަ ގެއްލިފައި ވުމަކީ އެމެރިކާ އިން ދެރަވާ ކަމެއް ކަމަށް ބުނެފައިވެ އެވެ. 

އިތުރަށް ސްޓޭޓް ޑިޕާޓްމަންޓް އިން ބުނީ، ޠާލިބާނުން ޓެރަރިޒަމާ ދެކޮޅަށް ޙަރަކާތްތެރި ވުމުގެ ވައުދުތައް ދެމެހެއްޓުމުގައި ދެމެހެއްޓެނިވި ގޮތެއްގައި ފެއިލްވެފައިވާ ކަަމަށެވެ. ޓެރަރިސްޓް ގުރޫޕު ތަކުން އަފްޣާނިސްތާން ބޭނުން ކުރަނީ އެބައި މީހުންގެ ނުބައި ހަމަލާތައް ދިނުމުގެ މަސައްކަތްތައް ފަށާ ތަނެއްގެ ގޮތުގައި ކަމަށް ވެސް، އެ ޑިޕާޓްމަންޓް އިން ބުނެފައިވެ އެވެ.