އިންޓަރ މިލާން ކަޓުވާލައި، ބޯޑޯ ގްލިމް ގަދަ 16 އަށް
މޮޅާ އެކު، ބޯޑޯ އިން ވަނީ އެގްރިގޭޓް 5-2 އިން ކުރި ހޯދައި މުބާރާތުގެ ގަދަ 16 އިން ޖާގަ ހޯދާފައި. ނޯވޭ އަށް ނިސްބަތްވާ ބޯޑޯ އަކީ ފާއިތުވި 38 އަހަރުގެ ތެރޭގައި ވެސް ޔޫރަޕުގެ މުބާރާތެއްގައި ނޮކްއައުޓް ބުރުގައި ކުޅޭނެ ފުރަތަމަ ޓީމު.
މެޗުގައި ލަނޑު ޖެހުމަށް ފަހު ބޯޑޯ ގްލިމްގެ ކުޅުންތެރިން އުފާ ފާޅު ކުރަނީ | ރޮއިޓާސް
ޔުއެފާ ޗެމްޕިއަންސް ލީގުގެ ޕްލޭ އޮފްގައި އިންޓަރ މިލާާން ކަޓުވާލައި، ބޯޑޯ ގްލިމް އިން މުބާރާތުގެ ގަދަ 16 ވަނަ ބުރުގެ ޖާގަ ހޯދައިފި އެވެ.
ޕްލޭ އޮފްގެ ފުރަތަމަ ލެގުގައި މި ދެ ޓީމުގެ ފުރަތަމަ މެޗު އޮތީ ބޯޑޯގެ އަމިއްލަ ދަނޑުގަ އެވެ. އެ މެޗުގައި ބޯޑޯ އިން ވަނީ 3-1 އިން އިންޓަރ މިލާން ބަލިކޮށްފަ އެވެ. އޭގެ ފަހުން އަންގާރަ ދުވަހުގެ ރޭ ދަންވަރު އިންޓަރ މިލާންގެ އަމިއްލަ ދަނޑުގައި ކުޅުނު ދެ ވަނަ ލެގުގައި ބޯޑޯ އިން ވަނީ 2-1 އިން އެ ޓީމު ބަލިކޮށްފަ އެވެ.
މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ޖެހިފައި ނުވާއިރު، ދެ ވަނަ ހާފު ފަށައިގެން ކުރީ ކޮޅު ބޯޑޯ އިން ވަނީ ލީޑު ނަގައިފަ އެވެ. އެގޮތުން ދެ ވަނަ ހާފު ފަށައިގެން ތޭރަ ވަނަ މިނެޓުގައި އެ ޓީމަށް ލީޑު ނަގައިދިނީ ޖެންސް ހައުޖް އެވެ. އޭގެ ފަހުން މެޗުގެ 72 ވަނަ މިނެޓުގައި ހަކޯން އެވްޖެން ވަނީ އެ ޓީމުގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ. އޭގެ ހަތަރު މިނެޓު ފަހުން މެޗުގައި އިންޓަރ މިލާންގެ ހަމައެކަނި ލަނޑު ޖެހީ އަލެސަންދްރޯ ބަސްޓޯނީ އެވެ.
މި މޮޅާ އެކު، ބޯޑޯ އިން ވަނީ އެގްރިގޭޓް 5-2 އިން ކުރި ހޯދައި މުބާރާތުގެ ގަދަ 16 އިން ޖާގަ ހޯދައިފަ އެވެ. ނޯވޭ އަށް ނިސްބަތްވާ ބޯޑޯ އަކީ ފާއިތުވި 38 އަހަރުގެ ތެރޭގައި ވެސް ޔޫރަޕުގެ މުބާރާތެއްގައި ނޮކްއައުޓް ބުރުގައި ކުޅޭނެ ފުރަތަމަ ޓީމެވެ.
