ރައީސް މުޢިއްޒު ބަންގްލަދޭޝް އަށް ވަޑައިގަންނަވަނީ
ބަންގްލަދޭޝްގެ އާ ސަރުކާރު ހުވާކުރުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި ޚާރިޖީ ވަޒީރު ޑރ. ޚަލީލު އެ ގައުމަށް ވަޑައިގަންނަވާނެ.
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު. | ގެޓީ އިމޭޖަސް
ބަންގްލަދޭޝްގެ އަލަށް އިންތިޚާބުވި ސަރުކާރު ހުވާކުރުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސް ޑރ. މުޙައްމަދު މުޢިއްޒު ޑާކާ އަށް ވަޑައިގަތުމަށް ނިންމަވައިފި އެވެ.
މުއިއްޒުގެ މި ދަތުރުފުޅުގައި މިނިސްޓަރ އޮފް ފޮރިން އެފެއާޒް ޑރ. ޢަބްދުﷲ ޚަލީލް ބައިވެރިވެވަޑައިގަންނަވާނެ ކަމަށް ބަންގްލަދޭޝްގެ ފޮރިން މިނިސްޓްރީގެ އިސް އޮފިޝަލަކު ބަންގްލަދޭޝް ގެ ބީ.އެސް.އެސް ނިއުސް އަށް މައުލޫމާތު ދެއްވާފައިވެ އެވެ.
ފެބްރުއަރީ މަހުގެ 12 ވަނަ ދުވަހު ބޭއްވި ބަންގްލަދޭޝްގެ 13 ވަނަ ރައްޔިތުންގެ މަޖިލީހުގެ އިންތިޚާބުގައި ބަންގްލަދޭޝް ނޭޝަނަލިސްޓް ޕާޓީ (ބީ.އެން.ޕީ) އިން ހޯދި ބޮޑު ކާމިޔާބީއާ ގުޅިގެން، އެ ޕާޓީގެ ޗެއާމަން ތާރިގް ރަހްމާނަށް ރައީސް ޑރ. މުޢިއްޒު ވަނީ މަރުހަބާ ވިދާޅުވެފަ އެވެ.
ރައީސް މުއިއްޒު ފޮނުއްވި ތަހުނިޔާގެ މެސެޖުގައި، ބަންގްލަދޭޝްގެ އާ ލީޑަޝިޕާއެކު ގާތުން މަސައްކަތްކުރެއްވުމަށް ބޭނުންފުޅުވާކަން ހާމަކުރައްވައި، އިޚްލާޞްތެރި ހެޔޮއެދުންތައް ވަނީ ފޮނުއްވާފަ އެވެ.
މުއިއްޒު ބަންގްލަދޭޝް އަށް ވަޑައިގަންނަވާނީ އަންގާރަ ދުވަހު އެވެ.
