ރައީސް ސޯލިޙް ފޯކައިދޫ އަށް ފުރާވަޑައިގެންފި

ކުރީގެ ރައީސް އިބްރާހީމް މުޙައްމަދު ސޯލިޙް ށ. ފޯކައިދޫ އަށް ކުރައްވާ ދަތުރުފުޅެއްގައި ފުރާވަޑައިގެންފި އެވެ. 

ރައީސް ސޯލިޙް ކުރައްވާ މި ދަތުރުފުޅު ގައި، ރައީސް ސޯލިޙް ފުރާވަޑައިގަތީ ހޮނިހިރު ދުވަހުގެ މެންދުރު އެވެ. 

މި ދަތުރުފުޅުގައި އެރަށުގައި ޒަމާނީ ފެންވަރަށް ތަރައްގީކޮށް ނިންމާފައިވާ ވޮލީކޯޓާއި އެމްޑީޕީ ނޫބަހާރު ޖަގަހަ ރައީސް ސޯލިޙް ހުޅުވައިދެއްވާނެ އެވެ. މީގެ އިތުރުން ކައުންސިލް އިންތިޚާބުގައި ވާދަކުރާ ފޯކައިދޫ އެމްޑީ ގެ ކެންޑިޑޭޓުންނާއި ލީޑް ޓީމާއި އެމަނިކުފާނު ބައްދަލު ކުރައްވާނެ އެވެ.

ރައީސް ސޯލިޙް ގެ މި ދަތުރުފުޅުގައި ފޯކައިދޫ އެމްޑީޕީ ގެ މެންބަރުންނާ ވެސް ބައްދަލުކުރެއްވުމަށް ވަނީ ހަމަޖެހިފަ އެވެ. މީގެ އިތުރުން އެރަށުގައި ކައުންސިލް އިންތިހާބަށް ޑޯ ޓު ޑޯ އަށް ކެންޑިޑޭޓުންނާއެކު ވަޑައިގަތުމަށް ވަނީ ހަމަޖެހިފަ އެވެ. 

ރައީސް ސޯލިޙް ވެރިކަމުގައި ފޯކައިދޫ ގައި ތަރައްގީގެ ގިނަ މަސައްކަތްތަކެއް ފައްޓަވައި ނިންމަވާފައިވެ އެވެ.