މިލާން އޮލިމްޕިކްސް ހުޅުވުމުގެ ރަސްމިއްޔާތުގައި އެމެރިކާގެ ނައިބު ރައީސް ވޭންސްއާ ދިމާ ކޮށްލައިފި
މިލާންގެ ސަން ސީރޯ ސްޓޭޑިއަމްގައި ކުރިއަށް ދިޔަ ރަސްމިއްޔާތުގައި، އެމެރިކާގެ އެތުލީޓުން ދަނޑު ވަށައި ހިނގަމުން ދިޔައިރު، ސްޓޭޑިއަމްގައި ހުރި ބޮޑު ސްކްރީން އަކުން ވަނީ އެމެރިކާގެ ނައިބު ރައީސް ވޭންސް އާއި، އޭނާގެ އަނބިކަނބަލުން އުޝާ ވޭންސް ދައްކާލާފައި. އެ ވަގުތު ވޭންސްގެ ދެކަނބަލުން ދިޔައީ އަތް ހިއްލަވައި، އެތުލީޓުންނަށް އަތުން އިޝާރާތް ކުރައްވަމުން. އެ ވަގުތު ސްޓޭޑިއަމްގައި ތިބި ގިނަ ބަޔަކު ވަނީ ވޭންސް އާއި އުޝާއާ ދިމާކޮށްލައި، އަޑު ގަދަކޮށްފައި.
މިލާން އޮލިމްޕިކްސް ހުޅުވުމުގެ ރަސްމިއްޔާތުގައި އެމެރިކާގެ ނައިބު ރައީސް ވޭންސް އާއި އޭނާގެ އަނބިކަނބަލުން އުޝާ ބައިވެރިވެ ވަޑައިގަންނަވަނީ | ރޮއިޓާސް
އިޓަލީގެ މިލާންގައި ހުކުރު ދުވަހު އޮތް ފިނު މޫސުމުގެ އޮލިމްޕިކްސް ގޭމްސް ހުޅުވުމުގެ ރަސްމިއްޔާތުގައި ބައިވެރިވެ ވަޑައިގެންނެވި، އެމެރިކާގެ ރައީސް ޑޮނަލްޑް ޓްރަމްޕްގެ ނައިބު ރައީސް ޖޭޑީ ވޭންސްއާ ދިމާ ކޮށްލައިފި އެވެ.
ވޭންސް ދަނޑުގައި އިންނަވަނިކޮށް އެ ތަނުގައި ތިބި ގިނަ ބަޔަކު ވަނީ އޭނާއާ ދިމާކޮށްލުމުގެ ގޮތުން އަޑު ގަދަ ކޮށްފަ އެވެ. ނަމަވެސް، އެމެރިކާގެ އެތުލީޓުން ދަނޑަށް ވަތް ވަގުތު ގިނަ ބަޔަކު ވަނީ އެތުލީޓުންނަށް ހޫނު މަރުޙަބާއެއް ކިޔައިފަ އެވެ.
މިލާންގެ ސަން ސީރޯ ސްޓޭޑިއަމްގައި ކުރިއަށް ދިޔަ ރަސްމިއްޔާތުގައި، އެމެރިކާގެ އެތުލީޓުން ދަނޑު ވަށައި ހިނގަމުން ދިޔައިރު، ސްޓޭޑިއަމްގައި ހުރި ބޮޑު ސްކްރީން އަކުން ވަނީ އެމެރިކާގެ ނައިބު ރައީސް ވޭންސް އާއި، އޭނާގެ އަނބިކަނބަލުން އުޝާ ވޭންސް ދައްކާލައިފަ އެވެ. އެ ވަގުތު ވޭންސްގެ ދެކަނބަލުން ދިޔައީ އަތް ހިއްލަވައި، އެތުލީޓުންނަށް އަތުން އިޝާރާތް ކުރައްވަމުންނެވެ. އެ ވަގުތު ސްޓޭޑިއަމްގައި ތިބި ގިނަ ބަޔަކު ވަނީ ވޭންސް އާއި އުޝާއާ ދިމާކޮށްލައި، އަޑު ގަދަކޮށްފަ އެވެ.
މި ރަސްމިއްޔާތުގައި އެންމެ ބޮޑު ތަރުހީބެއް ލިބުނު އެއް ޓީމަކީ ޔޫކްރެއިންގެ ޓީމެވެ. ރަޝިޔާ އިން ޔޫކްރެއިންއާ ދެކޮޅަށް ހިންގަމުން އަންނަ ހަނގުރާމައާ ގުޅިގެން، ރަޝިޔާއާ ދެކޮޅަށް އޮލިމްޕިކްސް އިން އަޅާފައިވާ ދަތި ކުރުމުގެ ފިޔަވަޅު ތަކުގެ ސަބަބުން، ރަޝިޔާގެ އެތުލީޓުން މުބާރާތުގައި ބައިވެރި ވަނީ ވަނި ޤައުމަކަށް ނިސްބަތް ނުވާ ނިއުޓްރަލް އެތުލީޓުންގެ ގޮތުގަ އެވެ. އެހެންވެ، ރަސްމިއްޔާތުގެ ޕެރޭޑުގައި ރަޝިޔާާގެ އެތުލީޓުން ބައިވެރި ކޮށްފައި ނުވެ އެވެ.
އެމެރިކާގެ ނައިބު ރައީސް ވޭންސްގެ މި ދަތުރުފުޅާ ގުޅިގެން ހުކުރު ދުވަހުގެ ކުރީ ކޮޅު މިލާންގައި ވަނީ މުޒާހަރާ ކޮށްފަ އެވެ. ސަތޭކަ އަށް ވުރެ ގިނަ މީހުން އެ މުޒާހަރާގައި ބައިވެރިވެފައިވާއިރު، އެ މުޒާހަރާ ތަކުގައި ވަނީ ގިނަ ބަޔަކު ޝުއޫރު ފާޅު ކޮށްފަ އެވެ. އެމެރިކާގެ ވަފުދުގެ ސަލާމަތީ ކަންކަން ބެލެހެއްޓުމުގައި އެމެރިކާގެ އިމިގްރޭޝަން އެންފޯސްމަންޓް އެޖެންސީ (އައިސް)ގެ އެޖެންޓުން ބައިވެރިވާތީ އެކަމާ ވެސް ވަނީ ނުރުހުން ފާޅު ކޮށްފަ އެވެ،
ވޭންސްގެ މިދަތުރުފުޅުގެ ތެރެއިން ވަނީ އިޓަލީގެ ބޮޑު ވަޒީރު ޖޯޖިއާ މެލޯނީއާ ބައްދަލު ކުރައްވައިފަ އެވެ. މެލޯނީ އަކީ، އެމެރިކާގެ ރައީސް ޓްރަމްޕްއާ ގާތް ގުޅުމެއް ބާއްވާ، ކޮންޒަވޭޓިވް ފިކުރުގެ ބޭފުޅެކެވެ.
މަސްދަރު: އޭއެފްޕީ
