ހުޅުމާލެ އުތުރު ދާއިރާގައި އެމްޑީޕީ އިން ކުރިޔަށް ގެންދިޔަ ދޮރުން ދޮރަށް ހަރަކާތަށް ހޫނު ތަރުހީބެއް
އެމްޑީޕީ އަށް ވޯޓް ދީގެން ރައްޔިތުން މާޔޫސް ވާން ނުޖެހޭނެ ކަމަށާއި، ކުރިޔަށް އޮތް ކައުންސިލް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިހާބުގައި ހުރިހާ ރައްޔިތުން ވެސް އެމްޑީޕީގެ ކެނޑިޑޭތުންނަށް ވޯޓު ދިނުމަށް މޭޔަރ އާޒިމް ވަނީ ގޮވާލައްވާފަ.
ހުޅުމާލެ އުތުރު ދާއިރާގައި ހުކުރު ދުވަހު އެމްޑީޕީ އިން ކުރިޔަށް ގެންދިޔަ ކެމްޕެއިން ހަރަކާތުގެ ތެރެއިން | އާދަމް އާޒިމް ކެމްޕެއިން ޓީމް
ހުކުރު ދުވަހު ހަވީރު އެމްޑީޕީގެ ފަރާތުން ހުޅުމާލެ އުތުރު ދާއިރާގައި ކުރިޔަށް ގެންދިޔަ ދޮރުން ދޮރަށް ކެމްޕެއިން ހަރަކާތަށް އެދާއިރާގެ ރައްޔިތުންގެ ހޫނު ތަރުހީބެއް ލިބިއްޖެ އެވެ.
މި ކެމްޕެއިން ހަރަކާތުގައި ކުރީގެ ރައީސް އިބްރާހިމް މުހައްމަދު ސޯލިހު ވެސް ވަނީ އެމްޑީޕީގެ ފަރާތުން ވާދަކުރައްވާ ކެނޑިޑޭޓުން އަދި އާއްމު ރައްޔިތުންނާ އެކު ވަގުތު ކޮޅެއް ހޭދަކޮށްލައްވާފަ އެވެ.
މި ހަރަކާތުގައި މޭޔަރު އާދަމް އާޒިމްގެ އިތުރުން ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީތަކުގެ އިންތިޚާބުގައި އެމްޑީޕީ ގެ ފަރާތުން ވާދަކުރައްވާ ކެންޑިޑޭޓުން ވެސް ބައިވެރިވެވަޑައިގެންނެވި އެވެ. އެގޮތުން ހުޅުމާލެ އުތުރު ދާއިރާގެ ސިޓީ ކައުންސިލް މެމްބަރު ކަމަށް ވާދަކުރައްވާ ފާތިމަތު ޒަހިއްޔާ، އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ ރައީސާ ކަމަށް ވާދަކުރައްވާ އައިޝަތު ރީޝާ ގެ އިތުރުން، އެ ދާއިރާގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ މެމްބަރުކަމަށް ވާދަކުރައްވާ ފާތިމަތު ސިބާ ވަނީ އަމަލީގޮތުން ބައިވެރިވެ، ރައްޔިތުންނާ ބައްދަލުކުރައްވާފަ އެވެ.
މި ހަރަކާތުގެ ތެރެއިން ރާއްޖެ އެމްވީ އަށް މައުލޫމާތު ދެއްވަމުން މޭޔަރު އާދަމް އާޒިމް ވިދާޅުވީ ހުޅުމާލޭގެ މުނިސިޕަލް ކަންކަން އެޗްޑީސީ އަށް ރަނގަޅަށް ނުކުރެވޭކަން ފާހަގަކުރައްވާފަ އެވެ. އަދި ހުޅުމާލޭގެ މުނިސިޕަލް ކަންކަން ކައުންސިލާ ހަވާލުކުރުމުގެ މުހިންމުކަމަށް ވެސް އަލިއަޅުއްވާލާފަ އެވެ.
އަބަދުވެސް ރައްޔިޔުން ތިބެންޖެހޭނީ ކައުންސިލެއްގެ ދަށުގަ، އެއީ ގާނޫނު ބުނާގޮތް. އެގޮތަށް އެ އޮންނަ ސަބަބަކީ ރައްޔިތުންގެ ކަންކަން ގާތުން ބެހޭލީ ކައުންސިލަކުން ކަމަށް ވާތީ. ކުންފުންޔަކާ ޚިލާފަށް ކައުންސިލަކުން މަސައްކަތް ކުރާނީ ވިޔަފާރި ފައިދާ އަކަށް ނޫން. ކުންފުންޏަކުން މަސައްކަތް ކުރާނީ އެމީހުންނަށް އެންމެ ފައިދާވާ ގޮތަކަށް. ހުޅުމާލޭގެ މުނިސިލަޕް ކަންކަން ކައުންސިލްގެ ދަށަށް ގެނައުމަކީ ވަރަށް މުހިންމު ކަމެއް. ހުޅުމާލޭގެ މުނިސިޕަލް ކަންކަން އެންމެ ރަނގަޅަށް ކުރެވޭނީ ރައްޔިތުން އިންތިހާބުކުރާ، ރައްޔިތުންނަށް ޖަވާބުދާރީ ކުރެވޭ ބަޔަކަށް.މާލެ ސިޓީ ކައުންސިލްގެ މޭޔަރު އާދަމް އާޒިމް
އެމްޑީޕީ އަށް ވޯޓް ދީގެން ރައްޔިތުން މާޔޫސް ވާން ނުޖެހޭނެ ކަމަށާއި، ކުރިޔަށް އޮތް ކައުންސިލް އަދި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިހާބުގައި ހުރިހާ ރައްޔިތުން ވެސް އެމްޑީޕީގެ ކެނޑިޑޭތުންނަށް ވޯޓު ދިނުމަށް މޭޔަރ އާޒިމް ވަނީ ގޮވާލައްވާފަ އެވެ.
ހުޅުމާލެ ފޭސް 2 ގައި އެމްޑީޕީގެ ފަރާތުން ކުރިޔަށް ގެންދިޔަ މި ކެމްޕެއިން ހަރަކާތް ނިންމާލާފައިވާނީ ރައީސް ސޯލިހު ބައިވެރިވަޑައިގެންނެވި މާހެފުމަކާ އެކުގަ އެވެ. މި ހަރަކާތުގައި ގިނަ އަދަދެއްގެ އެމްޑީޕީ ގެ ސަޕޯޓަރުންނާއި އާއްމު ރައްޔިތުންވަނީ ބައިވެފަ އެވެ.
