އަބްދުއްރަހީމްގެ ކޮއްކޮ ޕީއެންސީ އާއި ދެކޮޅަށް ވާދަކުރަން ނިންމާފައި ވަނިކޮށް އޭނާގެ ދެ ދަރިން ސަރުކާރު ވަޒީފާ އިން ވަކިކޮށްފި
ލޯކަލް ކައުންސިލް އިންތިޚާބުގައި ފޮނަދޫ ކައުންސިލްގެ ރައީސްކަމަށް ވާދަކުރައްވާނެކަން އިޢުލާންކުރެއްވި އަބްދުލްކަރީމް އަބްދުﷲގެ ދެ ދަރިން ސަރުކާރުގެ ވަޒީފާތަކުން ވަކިކުރީ ކަރީމް އިންތިޚާބުގައި ވާދަކުރައްވާތީ ކަމަށް އޭނާ ވަނީ ތުހުމަތުކުރައްވާފަ.
ރައްޔިތުންގެ މަޖިލީހުގެ ރައީސް، އަބްދުއްރަހީމް އަބްދުﷲގެ ކޮއްކޮ އަބްދުލްކަރީމް އަބްދުﷲ | ޕީއެންސީ
ރައްޔިތުންގެ މަޖިލީހުގެ ރައީސް، އަބްދުއްރަހީމް އަބްދުﷲގެ ކޮއްކޮ އަބްދުލްކަރީމް އަބްދުﷲ ޕީއެންސީ އާއި ދެކޮޅަށް ވާދަކުރައްން ނިންމާފައި ވަނިކޮށް އޭނާ ގެ ދެ ދަރިން ސަރުކާރު ވަޒީފާ އިން ވަކިކޮށްފި އެވެ.
ރާއްޖެޓީވީ އަށް އިތުބާރު ހުރި މަސްދަރަކުން މައުލޫމާތު ދިން ގޮތުގައި އަބްދުއްރަހީމް ވަނީ އޭނާ ގެ ކޮއްކޮގެ ނަން ނެގުމަށް ބާރު އަޅަން މަސައްކަތް ވެސް ކުރައްވާފައި އެވެ. ކަރީމް ކައުންސިލް އިންތިޚާބުގައި ފޮނަދޫގެ ރައީސްކަމަށް ވާދަކުރައްވާނެ ކަމަށް ވިދާޅުވީ ފެބްރުއަރީ މަހުގެ 1 ވަނަ ދުވަހު އެވެ.
މި ނޫހަށް މައުލޫމާތު ދިން ފަރާތުން ބުނީ ވަކިކޮށްފައި ވަނީ ފޮރިން މިނިސްޓްރީގެ ޕޮލިޓިކަލް ޑިރެކްޓަރެއްގެ މަޤާމުގައި ހުންނެވި ދުންޔާ އަބްދުލް ކަރީމް އާއި ފުނަދޫ ވެމްކޯގައި ވަޒީފާ އަދާކުރަމުންދާ އާލިމް އަބްދުލް ކަރީމެވެ. އޭގެ ތެރެއިން ދުންޔާ މަޤާމުން ވަކިކޮށްފައި ވަނީ މިދިޔަ ހަފްތާގެ ބުދަ ދުވަހު ކަމަށާއި އާލިމް ވަކި ކުރީ ބުރާސްފަތި ދުވަހު ކަމަށް އޭނާ ވަނީ ބުނެފަ އެވެ.
ބައެއް މީޑިއާތަކަށް މައުލޫމާތު ދެއްވަމުން ކަރީމް ވަނީ އޭނާ ގެ ކުދިން މަޤާމުން ވަކިކޮށްފައި ވަނީ އޭނާ އިންތިޚާބަށް ވާދަކުރައްވާތީ ކަމަށް ފާހަގަކުރައްވާފަ އެވެ. ފެނުމުން މަޚްރޫމްވެފައިވާ ކަރީމް ވަނީ އޭނާ މި އިންތިޚާބަށް ވާދަކުރައްވަނީ ނުކުޅެދުންތެރިކަން ހުންނަ ފަރާތްތަކަށް ފަހަތަށް ނުޖެހި އެހެން މީހުންނާއި އެއް ހަމައިގައި ޚިދުމަތް ކޮށްދެވޭނެ ކަމުގެ މެސެޖު ދިނުމުގެ ގޮތުން ކަމަށް ވެސް ވިދާޅުވެފަ އެވެ.
ކަރީމް އަކީ އަބްދުއްރަހީމްގެ އެއް މާބަނޑު ކޮއްކޮ އެވެ. އިންތިޚާބަށް ވާދަ ނުކުރުމަށް ޝަރުތުކޮށް ވަޒީފާ ދިނުމާއި އިންތިޚާބަށް ނުފޫޒު ފޯރުވުމަށް ވަޒީފާ އިން އާއްމުން ވަކިކުރުމުގެ ކަންކަން ދަނީ ފެންމަތި ވަމުންނެވެ.
