ކައުންސިލް އިންތިޚާބުގައި ޕީއެންސީއަށް އެންމެ ގޮނޑިއެއް ލިބުނު ނަމަވެސް އެއީ ރައްޔިތުން ބޭނުންވާ ކަންކަން ކުރުމަށް އެޅޭ ހުރަހެއް: މޭޔަރު އާޒިމް
މާލޭ ރައްޔިތުންގެ ހައްގުގައި ވަރަށް ގިނަ މަސައްކަތްތައް ކުރަން ބޭނުންވާކަން ފާހަގަކުރައްވައި މޭޔަރު އާޒިމް ވިދާޅުވީ، ގޯތި ދިނުމުގެ މަސައްކަތްތައް ކުރުމާއި، ރަޖިސްޓްރީ ހަދައިދިނުމުގެ މަސައްކަތް ކުރުމަށް ކައުންސިލްއާ ހަވާލު ކޮށްދިނުމަށް އެދިފައިވާ ކަމަށް. ނަމަވެސް އެއްވެސް މަސައްކަތެއް ހަވާލު ކޮށްފައިނުވާ ކަމަށާއި، ކައުންސިލުން ކުރަމުންދާ މަސައްކަތްތަކަށް ވެސް ސަރުކާރުން ވަރަށް ބޮޑަށް ހުރަސް އަޅަމުންދާ ކަމަށް އޭނާ ވިދާޅުވި.
ރާއްޖެޓީވީގެ ޓީވީޓޯކް ޕްރޮގްރާމްގައި މާލެސިޓީ ކައުންސިލްގެ މޭޔަރު އާދަމް އާޒިމް ވާހަކަ ދައްކަވަނީ | ރާއްޖެއެމްވީ
ކުރިއަށް އޮތް ލޯކަލް ކައުންސިލް އިންތިޚާބުގައި ޕީއެންސީއަށް އެންމެ ގޮނޑިއެއް ލިބުނު ނަމަވެސް އެއީ ރައްޔިތުން ބޭނުންވާ ކަންކަން ކުރުމަށް އެޅޭ ހުރަހެއް ކަމަށް މާލެސިޓީ ކައުންސިލްގެ މޭޔަރު އާދަމް އާޒިމް ވިދާޅުވެއްޖެ އެވެ.
ރާއްޖެޓީވީގެ ޓީވީޓޯކް ޕްރޮގްރާމްގައި މޭޔަރު އާޒިމް ވިދާޅުވީ، މާލެސިޓީ ކައުންސިލްގައި މިހާރު ވެސް އޮތީ ސަރުކާރުގެ ފުލް މެޖޯރިޓީ ކަމަށާއި، ނަމަވެސް ޖަލްސާތައް ކުރިއަށް ގެންދިއުމަށް ވެސް އެއްބާރުލުން ނުލިބޭ ކަމަށެވެ.
މާލޭ ރައްޔިތުންގެ ހައްގުގައި ވަރަށް ގިނަ މަސައްކަތްތައް ކުރަން ބޭނުންވާކަން ފާހަގަކުރައްވައި މޭޔަރު އާޒިމް ވިދާޅުވީ، ގޯތި ދިނުމުގެ މަސައްކަތްތައް ކުރުމާއި، ރަޖިސްޓްރީ ހަދައިދިނުމުގެ މަސައްކަތް ކުރުމަށް ކައުންސިލްއާ ހަވާލު ކޮށްދިނުމަށް އެދިފައިވާ ކަމަށެވެ.
ނަމަވެސް އެއްވެސް މަސައްކަތެއް ހަވާލު ކޮށްފައިނުވާ ކަމަށާއި، ކައުންސިލުން ކުރަމުންދާ މަސައްކަތްތަކަށް ވެސް ސަރުކާރުން ވަރަށް ބޮޑަށް ހުރަސް އަޅަމުންދާ ކަމަށް އޭނާ ވިދާޅުވި އެވެ. އަދި ވިދާޅުވީ ކުރިއަށް އޮތް ލޯކަލް ކައުންސިލް އިންތިޚާބުގައި އެންމެ ގޮނޑިއެއް ޕީއެންސީއަށް ދިން ނަމަވެސް އެއީ ރައްޔިތުން ބޭނުންވާ ކަންކަން ކުރުމަށް އެޅޭ ހުރަހެއް ކަމަށެވެ.
ރައްޔިތުން ކުރަން ބޭނުންވާ ކަންތައް ކުރަން ބޭނުންވެއްޖެއްޔާ ރައްޔިތުންގެ ބާރު ބޭނުން ކުރަންވީ އެއީ ސީދާ ވޯޓުގެ ބާރު. އެންމެ ވަރުގަދަ ބާރު. އެބާރު މިފަހަރު ރައްޔިތުން ރަނގަޅު ގޮތުގައި ބޭނުން ކޮށްފިއްޔާ މުޅި ރާއްޖޭގައި އެބޭފުޅުން ކޮށްފި ކަމަށްވެއްޖެއްޔާމުން މިސަރުކާރަށް މަޖުބޫރުވާނެ މިމީހުން ވައުދުވީ ކަންތައްތައް ކޮންމެ ގޮތެއް ހަދާފައި ވެސް ކުރަން. ދެން އިތުރަށް ދޮގު ހަދާގެންނެއް ވެރިކަމުގައި ވެސް ނުތިބެވޭނެ. އެމީހުން ހަމަޖެހޭނީ ކުރަން. އެކަމަކު އަޅުގަނޑު ހަމަ ރައްޔިތުންނަށް ދަންނަވަން ބޭނުންވަނީ ތިބޭފުޅުން އެބޭފުޅުންނަށް ވޯޓު ދީފިއްޔާ އެއްވެސް ރަށެއްގެ ޕްރޮޖެކްޓެއް ނުހިނގާނެ. އާސަންދަ ވެސް ނުލިބޭނެ، އެންސްޕާ ވެސް ނުލިބޭނެ.މާލެސިޓީ ކައުންސިލްގެ މޭޔަރު އާދަމް އާޒިމް
މީގެ އިތުރުން މޭޔަރު އާޒިމް ވިދާޅުވީ ރައްޔިތުންނަށް އެންމެ ބޮޑަށް ދަތިވާ ކަންކަމުގައި އެމްޑީޕީން ޓޯޓަލް ސޮލިއުޝަން ހޯދައިދީފައިވާ ކަމަށާއި، ބޯހިޔާވަހިކަމުގައި ވެސް ޕްލޭނެއް ދިން ކަމަށެވެ. ނަމަވެސް އެސޮލިއުޝަން މިސަރުކާރުން ބޭނުންނުވާ ކަމަށާއި، އިތުރަށް ރައްޔިތުން ނިކަމެތި ކުރަމުންދާ ކަމަށް އޭނާ ވިދާޅުވި އެވެ.
މޭޔަރު އާޒިމް ވިދާޅުވީ ކުރިއަށް އޮތް ލޯކަލް ކައުންސިލް އިންތިޚާބުގައި ޕީއެންސީއަށް ވޯޓު ދީފި ކަމަށްވާނަމަ މުޅި ދައުރު ނިންމާނީ ނިކަމެތި ކަމުގައި ކަމަށާއި، ރައްޔިތަކަށް ފްލެޓެއް ވެސް ގޯއްޗެއް ވެސް ނުދޭނެ ކަމަށެވެ.
