ޔޫކްރެއިންނަށް ފޮނުވާ ޔޫރަޕްގެ ކޮންމެ އަސްކަރީ ފައުޖެއް ވާނީ ރަޝިޔާގެ ހައްގު ޓާގެޓަކަށް: ލަވްރޯވް

ޔޫކްރެއިންނަށް ފޮނުވާ ޔޫރަޕްގެ ކޮންމެ އަސްކަރީ ފައުޖެއް ވާނީ ރަޝިޔާގެ ޓާގެޓަކަށް ކަމަށް ރަޝިޔާގެ ޚާރިޖީ ވަޒީރު ވިދާޅުވެއްޖެ އެވެ.

އާދިއްތަ ދުވަހު ސަރުކާރުގެ ޚަބަރު ފަތުރާ އެޖެންސީ ޓާސް އިން ނެރެފައިވާ ބަޔާނެއްގައި، ރަޝިޔާގެ ޚާރިޖީ ވަޒީރު ސަރްގޭ ލަވްރޮވް ވިދާޅުވީ، ޔޫކްރެއިން އަށް ފޮނުވާ ޔޫރަޕުގެ ސިފައިންގެ ކޮންމެ ޔުނިޓެއް ރަޝިޔާގެ ހަތިޔާރުއެޅި ފައުޖުތަކުގެ ޙައްޤު އަމާޒަކަށް ވާނެ ކަމަށެވެ.

ލަވްރޮވް އިތުރަށް ތުހުމަތުކުރެއްވީ ޔޫރަޕުގެ ސިޔާސީ ވެރިން ޔޫކްރެއިން އާ ބާއްވާ ގުޅުންތަކުގައި ހިމެނެނީ އަމިއްލަ އެދުންތައް ކަމަށާއި، އަދި އެފަރާތްތަކުން ޔޫކްރެއިންގެ ރައްޔިތުންނާއި، އެ މީހުންގެ އަމިއްލަ ޤައުމުތަކުގެ ރައްޔިތުންނަށް އިހުމާލުވާ ކަމަށެވެ.