އީރާނަން ބޮން އެޅުމަކުން ސުލްހަ ނުލިބޭނެ - ރަޝިއާ

އެމެރިކާއިން އީރާނަށް ދޭ ނިމުމެއް ނެތް އިންޒާރުތަކުން މުޅި ދުނިޔެ ފޫހިވެއްޖެ ކަމަށާއި، އީރާނަށް ބޮން އެޅުމުން ސުލްހަ ނުލިބޭނެ ކަމަށް ރަޝިޔާއިން ބުނެފި އެވެ.

ރަޝިއާއިން ބުނެފައިވަނީ އެމެރިކާއިން ހުއްޓުމެއް ނެތި އިންޒާރުތައް ދެމުން ދިޔަނަމަވެސް، އިރާނުން އޮތީ ދިފާއުވާން ހުރިހާ ތައްޔާރީއެއް ވެގެން ކަމަށެވެ. އީރާނުގެ އޮފިޝަލުން ރޮއިޓާސްއަށް އަންގާރަ ދުވަހު ވިދާޅުވީ އީރާނުން ނިއުކްލިއާ ޕްރޮގްރާމާ ގުޅޭ ގޮތުން އެމެރިކާއާއެކު ހަފުތާ ބަންދުގައި މަޝްވަރާތައް ކުރިއަށް ދާއިރު، ކުރިއެރުންތަކާ މެދު އިތުބާރު ކުޑަކަމަށާއި، އެމެރިކާގެ ވިސްނުމާ މެދު ޝައްކު އުފެދިފައިވާ ކަމަށެވެ.

މި މަޝްވަރާތައް ހޯމަ ދުވަހު އިއުލާން ކުރެއްވީ ޖެނުއަރީ މަހު ވައިޓް ހައުސްއަށް އެނބުރި ވަޑައިގެންނެވި އެމެރިކާގެ ރައީސް ޑޮނަލްޑް ޓްރަމްޕް އެވެ. ރައީސްކަމާއި ހަވާލުވެވަޑައިގަތުމަށްފަހު ޓްރަމްޕް ވަނީ ޑީލްއެއް ނުހެއްދިއްޖެ ނަމަ އަސްކަރީ ފިޔަވަޅުތައް އަޅާނެކަމުގެ އިންޒާރު ޖުނުއަރީ މަހު ވެސް އީރާނަށް ދީފައެވެ.

ރަޝިއާގެ ތަރުޖަމާނު ޑިމިޓްރީ ޕެސްކޯވް ވިދާޅުވީ މޮސްކޯއަށް ވަރަށް ހަރުކަށި ވާހަކަތައް އެނގޭ ކަމަށާއި އީރާނުން ގެންދަނީ ރައްކާތެރިކަމުގެ ފިޔަވަޅުތައް އަޅަމުން ކަމަށާއި ފޯކަސް ކުރަން ޖެހޭނީ ކުރިމަތިލުމުގެ ބަދަލުގައި މަޝްވަރާއަށް ކަމަށެވެ.

ރަޝިއާގެ ވިސްނުން ސާފުކުރަން ރޮއިޓާސް އިން ސުވާލު ކުރުމުން ރަޝިއާގެ ޚާރިޖީ ވުޒާރާގެ ތަރުޖަމާނު މާރިއާ ޒަކަރޯވާ ވިދާޅުވީ ހަގީގަތުގައި ވެސް މުޅި ދުނިޔެ ދަނީ އީރާނަށް ދެމުން އަންނަ ނިމުމެއް ނެތް ނުރައްކާތަކުގެ އިންޒާރާއި ގުޅިގެން ފޫހިވަމުން ކަމަށެވެ. އަދި ބޮމުގެ ހަމަލާއިން ސުލްހައަށް މަގު ތަނަވަސް ނުކުރެވޭނެ ކަމަށް ވިދާޅުވިއެވެ.

1950 ގެ އަހަރުތަކުގައި އެމެރިކާގެ އެހީތެރިކަމާއެކު ފެށި އީރާނުގެ ނިއުކްލިއާ ޕްރޮގްރާމަކީ ޒަމާނުއްސުރެ ދުނިޔޭގެ ބާރުތަކާއި އީރާނާ ދެމެދު ދެބަސްވުންތަކެއް އުފެދިފައިވާ ޕްރޮގްރާމެކެވެ. އަދި މިއާއެކު 1979 ވަނަ އަހަރު އިސްލާމިކް ރިވަލިއުޝަން އުފެދި އެމެރިކާއަށް އޮތް ބޮޑު ނުރައްކަލެއްގެ ގޮތުގައި ބެލެވިގެން ދިޔައެވެ.

އެމެރިކާ އާއި އިޒްރޭލާއި ޔޫރަޕްގެ ބައެއް ބާރުތަކުން ބުނަނީ އީރާނުން ސިއްރުން ނިއުކްލިއާ ހަތިޔާރު އުފައްދަން މަސައްކަތް ކުރަމުން އަންނަ ކަމަށް ތުހުމަތުކުރަމުން އަންނަ އިރު އިރާނުން މިކަން ދޮގުކުރެއެވެ. މިފަދަ ތުހުމަތުތަކެއް އައިސްފައި މިވަނީ ފާއިތުވި އަހަރުތަކުގައި ދުނިޔޭގެ އެންމެ ބޮޑު ނިއުކްލިއާ ބާރު ކަމަށްވާ ރަޝިއާއާ އެކު ގާތް ގުޅުމެއް އީރާނުން ގާއިމްކޮށްފައިވައިވަނިކޮށެވެ.

ޔޫކްރެއިންގައި ހިނގަމުންދާ ހަނގުރާމައަށް ރަޝިއާއިން އީރާނުން ހަތިޔާރު ގަނެ، އީރާނުން 20 އަހަރުގެ ސްޓްރެޓެޖިކް ޕާޓްނާޝިޕް އެއްބަސްވުމެއްގައި މިއަހަރުގެ ކުރީކޮޅު ސޮއިކޮށްފައިވާއިރު، 16 ވަނަ ގަރުނުގައި މަސްކޯވީ ރަސްމީކޮށް ޕާސިއަން އެމްޕަޔަރާ ގުޅުން ގާއިމުކުރި ހިސާބުން ފެށިގެން ބައެއް ފަހަރު އެ މީހުންގެ ގުޅުން ވަނީ ވަރަށް ބޮޑަށް ހީނަރުވެފަ އެވެ.

އީރާނުގެ އޮފިޝަލުން ވިދާޅުވާ ގޮތުގައި ރަޝިއާ އިން ވަރަށް ހަރުކަށި ކޮށް ވާހަކަ ދައްކާ ކަމަށާއި ނަމަވެސް މެދުއިރުމަތީގެ ބޮޑު ހަނގުރާމައެއްގެ ތެރެއަށް ވެއްޓިދާނެތީ ބިރުގަންނަ ކަމަށެވެ. އީރާނާއި ރަޝިއާއާ ދެމެދު ސޮއިކުރި ޕާޓްނާޝިޕް އެއްބަސްވުމުގައި ދެގައުމުގެ ދިފާއީ މާއްދާއެއް ހިމަނާފައެއް ނުވެ އެވެ.

ހާއްސަކޮށް ރަޝިއާ އާއި އީރާނަކީ ހުޅަނގުގެ ގައުމުތަކުން ދުޝްމަނުންގެ ގޮތުގައި ލޭބަލްކުރުމުން، ރަޝިއާގެ ރައީސް ވްލަޑިމިއާ ޕޫޓިން ވަނީ އީރާނުގެ އެންމެ މަތީ ލީޑަރު އަލީ ޚާމަނާއީއާ ރަނގަޅު ގުޅުމެއް ބާއްވައިފަ އެވެ.

ޒަޚަރޯވާ ވިދާޅުވީ ރަޝިއާއިން ބޭނުންވަނީ އީރާނުގެ ޔޫރޭނިއަމް ފައްކާކުރުމުގެ ޕްރޮގްރާމާ މެދު ހުޅަނގުގެ ފަރާތްތަކުން ކުރާ ޝައްކުތައް ކުޑަކޮށް، މަސްލަހަތު ބެލެންސްކޮށް އިތުބާރު އަލުން އިއާދަކޮށް، ކާރިސާއަކުން ސަލާމަތްވުމަށް "ހަރުދަނާ މަޝްވަރާކުރެވޭ ހައްލުތަކެއް" ކަމަށެވެ.

ޑޮނަލްޑް ޓްރަމްޕްގެ ފުރަތަމަ ވެރިކަމުގައި އެމެރިކާ އިން ވަނީ އީރާނުގެ ނިއުކްލިއާ މަސައްކަތްތައް ލިމިޓްކޮށް، އިތުރު އިންސްޕެކްޝަންތަކާއި ދަތިކުރުމުގެ ފިޔަވަޅުތަކަށް ލުޔެއް ދިނުމުގެ ގޮތުން ޖޮއިންޓް ކޮމްޕްރިހެންސިވް ޕްލޭން އޮފް އެކްޝަން (ޖޭސީޕީއޯއޭ) އެއްބަސްވުމުން އެއްފަރާތްވެ ވަކިވެފަ އެވެ.

އެމެރިކާ އިން އެއްބަސްވުމުން ވަކިވުމާ ގުޅިގެން އީރާނުން ވަނީ ނިއުކްލިއާ ބޮން އުފެއްދުމަށް ބޭނުންވާ ތަކެތި އުފެއްދުމުގެ މުހިންމު މަގެއްގެ ގޮތުގައި ގިނަ ބަޔަކު ދެކޭ ޔޫރޭނިއަމް ފައްކާކުރުމާ ބެހޭ އެއްބަސްވުމުގެ ލިމިޓްތައް އުވާލާފައެވެ.