އާސެނަލްގެ މިޑްފީލްޑަރ ތޯމަސް ޕާޓޭ އަށް އެފްރިކަޕް ކަޕް އޮފް ނޭޝަންސް ވެސް ގެއްލިއްޖެއެވެ.
އަނިޔާގެ ސަބަބުން އެފްރިކަޕް ކަޕަށް ގާނާ އިން އެކުލަވާލި ސްކޮޑުންވެސް ޕާޓޭ އަށް ޖާގައެއް ނެތެވެ. 30 އަހަރުގެ މިޑްފީލްޑަރ އޮކްޓޯބަރު މަހުން ފެށިގެން ހުރީ އަނިޔާގައެވެ. އަނިޔާގައި ހުއްޓަސް ގާނާގެ ކޯޗިންގ ޓީމުން ދިޔައީ މުބާރާތަށް ދާންވާއިރަށް ޕާޓޭގެ ބޭނުން ހިފޭނެ ގޮތެއް އޮތްތޯ ބަލަމުންނެވެ. ނަމަވެސް މުބާރާތަށް ދެވޭ ވަރަށްވުރެ ޕާޓޭގެ އަނިޔާ ބޮޑެވެ. ޕާޓޭގެ އިތުރުން ބްރައިޓަންގެ ކަނާއަތް ބެކް ތާރިގު ލަމްޕޭ ވެސް އަނިޔާގެ ސަބަބުން ގާނާ ސްކޮޑްގައި ނުހިމެނެއެވެ. ނަމަވެސް ވެސްޓް ހޭމްގެ މިޑްފީލްޑަރ މުހައްމަދު ކުޑޫސް ސްކޮޑްގައި ހިމެނެއެވެ.
އެފްރިކަޕް ކަޕް ފަށާނީ މިމަހުގ 13 ވަަނަ ދުވަހު އެވެ. މުބާރާތް އަންނަ މަހުގެ 11 ގެ ނިޔަލަށް ކުރިއަށް ދާނެއެވެ. ގާނާ އޮތީ މިސްރާއެކު ގްރޫޕް ބީގައެވެ. ގާނާ ޓީމަށް އިރުޝާދުދެނީ ކުރިން ނިއުކާސަލް ޔުނައިޓެޑާއި ބްރައިޓަން އަށް އިރުޝާދު ދިން ކޯޗު ހޫޓޮން އެވެ.
