ޓީމުގެ އެންމެ އިތުބާރު ފޯވަޑް މިސުރުގެ މުހައްމަދު ސަލާހް އެފްރިކާ ކަޕްގައި ކުޅެން ގައުމީ ޓީމަށް ދާން ޖެހުމުން އެކަމާ ކަންބޮޑުވެ، އިތުރު ކުޅުންތެރިއަކު ނުގަންނާނެ ކަމަށް ލިވަޕޫލްގެ ކޯޗު ޔާގެން ކްލޮޕް ބުނެފި އެވެ.
އޭނާ ބުނީ ޖެނުއަރީ 13 އިން 11 ފެބްރުއަރީ އަށް ކުރިއަށްދާ އެފްރިކާ ކަޕް ކުޅެން ގައުމީ ޓީމަށް ސަލާހް ދޫކުރަންޖެހޭކަން މާކުރިން ވެސް އެނގޭ ކަމަށެވެ. މިހެންވެ އެކަމަށް ތައްޔާރުވާންޖެހޭނީ ކުލަބުން ކަމަށެވެ.
އޭނާ ޓީމާ ދުރަށް އެދަނީ ވަގުތީ ގޮތުން. އޭނާ އެނބުރި އަންނާނެ. މިހެންވެ 202 ގޯލު ޖަހާފައިހުރި ފޯވަޑަކު ކިހިނެތް އަހަރެން ރީޕްލޭސް ކުރާނީ ކުއްލިއަކަށް. އެކަމެއްނުވާނެކްލޮޕް
2015 ވަނަ އަހަރު ލިވަޕޫލާ ހަވާލުވި ކޯޗު ބުނީ ކޮންމެ ދެ އަހަރުން އެއް އަހަރު އޮންނަ މުބާރާތާހެދި ލިވަޕޫލް މީގެ ކުރިން މާބޮޑަށް ދަތި ކަންތައްތަކާ ކުރިމަތިލައިފައިވާ ކަމަށެވެ. އެއީ ސަލާހް އާއި މިހާރު ސެނަގޯލްގެ ފޯވަޑް ސާދިއޯ މާނޭ އެކުއެކީގައި ގައުމީ ޓީމަށް ދާން ޖެހުމުން ކަމަށެވެ. މާނޭ މިހާރު ކުޅެނީ ސައޫދީ އަރަބިއްޔާގެ އަލް ނަސްރު ޓީމަށެވެ.
ކްލޮޕް ބުނީ އަބަދު ތަކުރާރުވާ ކަމަކަށްވާތީވެ، އެފްރިކާ ކަޕަށާއި އޭޝިޔާ ކަޕަށް ކުޅުންތެރިން ފޮނުވަންޖެހިގެން ލިވަޕޫލް މިހާރު އެހާ ކަންބޮޑުނުވާ ކަމަށެވެ.
އޭނާ ބުނީ ލިވަޕޫލްގެ ފޯވަޑް ލައިނުގައި ކުޅެން ފަސް ކުޅުންތެރިން އެބަތިބި ކަމަށާއި ކުޅުންތެރިން ރޮޓޭޓް ކުރާނެ ކަމަށެވެ. އަދި ސަލާހް ނެތް ވަގުތެއްގައި އަނިޔާއިން ރަނގަޅުވެގެން ޕޯޗުގަލްގެ ފޯވަޑް ޑިއެގޯ ޖޮޓާ އެނބުރި އައުމަކީ ވަރަށް ބޮޑު ހިތްހަމަޖެހުމެއް ކަމަށެވެ.
ޖޮޓާ އަކީ ޓީމަށް ވަރަށް މުހިންމު ކުޅުންތެރިއެއް. އޭނާ ކުޅެން އަރަން ތައްޔާރުވުމަކީ މުޅި ޓީމަށް ވެސް ލިބޭނެ ހިތްހަމަޖެހުމެއް. މި ވަގުތު އޭނާގެ ބޭނުން ޓީމަށް ހިފާނެ މިންވަރު އިތުރުވާނެ. އޭނާ އަލުން ކުޅުން ދައްކާލަން މިއީ ފުރުސަތެއްކްލޮޕް
