ޣައްޒާގެ ގެދޮރު ގެއްލިފައިވާ އިތުރު 20،000 އަށް ވުރެ ގިނަ މީހުން އައްޝިފާ ހޮސްޕިޓަލުން ހިމާޔަތް ހޯދަން ޖަމާވެއްޖެ
3 ނޮވެމްބަރު 2023 | ހުކުރު 18:32މިރޭވެސް ވަނީ އިސްރާއިލްގެ ޑްރޯން ހަމަލާއެއް އައްޝިފާ ހޮސްޕިޓަލަށް އަމާޒުވެފައި
ހިމާޔާތް ހޯދުމަށް އައްޝިފާ ހޮސްޕިޓަލަށް އަންނަ މީހުންދަނީ އިތުރުވަމުން
ޣައްޒާގެ ގެދޮރު ގެއްލިފައިވާ އިތުރު 20000ށް ވުރެ ގިނަ މީހުން އައްޝިފާ ހޮސްޕިޓަލުން ހިމާޔަތް ހޯދަން ޖަމާވެއްޖެއެވެ.
ޣައްޒާގެ ދެކުނުން ވާހަކަ ދައްކަމުން އަލްޖަޒީރާގެ ނޫސްވެރިޔާ ތާރިގު އަބޫ އަޒްޒޫމް ވަނީ އިސްރާއީލުގެ ޑްރޯން ހަމަލާއަކުން ހަމަލާދިން އައްޝިފާ ހޮސްޕިޓަލުގެ ވަށައިގެންވާ މިހާރުގެ ހާލަތު ކިޔައިދީފަ އެވެ. އޭނާ އަލްޖަޒީރާއަށް ބުނީ ގެދޮރު ގެއްލިފައިވާ ފަލަސްތީނުގެ 20،000 ށް ވުރެ ގިނަ މީހުން ހޮސްޕިޓަލް ކޮމްޕްލެކްސްއަށް ވަދެ ހިމާޔަތް ހޯދަން ޖަމާވެފައިވާ ކަމަށެވެ.
ހަފުތާ ތަކެއްވަންދެން ދިން ބޮމުގެ ހަމަލާތަކުގައި ޣައްޒާގެ އުމްރާނީ ވަސީލަތްތައް ހަލާކުވެފައިވާއިރު، ވަގުތީ ބޯހިޔާވަހިކަމާއި ބޭސްފަރުވާގެ ހިދުމަތް ދެމުން އަންނަ އައްޝިފާ ހޮސްޕިޓަލް އޮތީ އަދިވެސް ހާސް ކަމެއްގެ ތެރޭގަ އެވެ. އަޒްޒޫމް ބުނީ އެ ސަރަހައްދުގައި ތެލާއި ކާބޯތަކެއްޗާއި ބޭސްފަރުވާއަށް ބޭނުންވާ ސާމާނު ވަރަށް ބޮޑަށް މަދުވެފައިވާ ކަމަށެވެ.
އެއީ ޣައްޒާގެ ނާޒުކު ސިއްހީ ނިޒާމަށް އިސްރާއިލްގެ ހަމަލާތަކުން ބޮޑެތި ގެއްލުންތަކެއް ލިބިފައިވާއިރު، މިރޭވެސް ވަނީ އިސްރާއިލްގެ ހަމަލާތަކެއް ހޮސްޕިޓަލްތަކަށާއި، އެމްބިއުލާންސްތަކަށް އަމާޒުވެފައެވެ. އަޒްޒޫމްބުނީ އޮކްޓޯބަރު މަހުގެ ކުރީކޮޅު ކުރިމަތިލުންތައް ފެށި ފަހުން ގިނަ އަދަދެއްގެ އެމްބިއުލާންސާއި މެޑިކަލް ކްރޫންނަށް އަމާޒުކޮށް ހަމަލާތައް ދީފައިވާ ކަމަށެވެ.
އިސްރާއީލުން، އާންމުންނަށާއި، ހޮސްޕިޓަލްތަކަށާއި އުމްރާނީ ވަސީލަތްތަކަށް ހަމަލާދޭތީ، އިންސާނީ ހައްގުތަކަށް މަސައްކަތް ކުރާ ޖަމާއަތްތަކުން ވަނީ ބައިނަލްއަގްވާމީ ގާނޫނުތަކާ އިސްރާއީލުން ހިލާފުވަމުން ދާކަމުގެ އިންޒާރު ދީފަ އެވެ. ނަމަވެސް އިސްރާއީލުން ބުނަނީ އިސްރާއީލްގެ ހަމަލާތައް އަމާޒުކޮށްފައިވާނީ އަސްކަރީ ބޭނުމަށް ހަމާސް އިން ބޭނުންކުރާ ތަންތަނަށް ކަމަށެވެ.
ހަނގުރާމަ ހުއްޓާލުމުގެ މަސައްކަތް ހުއްޓިފައި އޮތުމާއެކު، އައްޝިފާގެ ވަށައިގެން އުފެދިފައިވާ ނުތަނަވަސްކަމުގެ ސަބަބުން ޣައްޒާގެ އާބާދީއަށް ކުރިމަތިވެފައިވާ ގޮންޖެހުންތައް ހާމަވެގެން ދެއެވެ. އިސްރާއީލުގެ ހަމަލާތައް ކުރިއަށް ދާއިރު، މުޅި ސަރަހައްދުގައި އިންސާނީ ހާލަތު ދަނީ ވަރަށް ބޮޑަށް ގޯސްވަމުންނެވެ.
