ރެފްރީ ޑެނިއެލް ޗިފީއާ ބެހޭ ގޮތުން ރޯމާގެ ކޯޗު ހޯސޭ މޮރީނިއޯ ދެއްކި ވާހަކަތަކުގެ އަދަބެއްގެ ގޮތުން 10 ދުވަހަށް ސަސްޕެންޑު ކޮށްފިއެވެ.

މެއި މަހުގެ ތިން ވަނަ ދުވަހު މޮންޒާއާ ދެކޮޅަށް ކުޅުނު މެޗަށް ފަހު އުމުރުން 60 އަހަރުގެ މޮރީނިއޯ ބުނީ ޗިފީ އަކީ ހަޔާތުގައި ބައްދަލުވި އެންމެ ގޯސް ރެފްރީ ކަމަށެވެ. މޮރީނިއޯ ވަނީ 50،000 ޔޫރޯ އިން ޖޫރިމަނާ ވެސް ކޮށްފައެވެ.

އިޓަލީގެ އެފްއޭއިން ބުނީ މޮރީނިއޯ އަންނަ ސީޒަނުގެ ފުރަތަމަ ދުވަހުން ފެށިގެން 10 ދުވަހަށް ސަސްޕެންޝަން އަދާކުރާނެކަމަށެވެ.

ޔޫ ޕަވާ ސްޓޭޑިއަމްގައި ކުޅުނު މެޗު ނިމެން ހަ މިނެޓަށް ވެފައި ވަނިކޮށް ރޯމާގެ މެހްމެޓް ޒެކީ ސެލިކް ފޮނުވާލުމުން މޮރީނިއޯ ވަނީ ޗިފީއަށް ވަރަށް ބޮޑަށް ފާޑުކިޔާފައެވެ. އެ މެޗު ނިމުނީ 1-1 އިން އެއްވަރުވެގެނެވެ. މެޗުގައި ރީނދޫ ކާޑު ދެއްކި މޮރީނިއޯ ބުނީ އޭނާ މައިކްރޯފޯނެއް އަޅައިގެން ހުރީ އަމިއްލަ ނަފްސު "ހިމާޔަތްކުރަން" ކަމަށެވެ.

މިދިޔަ ސީޒަނަކީ އޮފިޝަލުންނާ ދެމެދު އުފެދުނު ހިޔާލު ތަފާތުވުންތަކާ ގުޅިގެން ތިން ރަތް ކާޑު ދެއްކި މޮރީނިއޯއަށް ޓަޗްލައިންގައި ހަލަބޮލި ސީޒަނެކެވެ. އިޓަލިއަން ލީގު ތާވަލުގެ ހަ ވަނައިގައި ރޯމާ ނިމުނުއިރު، ޔުރޮޕާ ލީގު ފައިނަލުން ބަލިވީ ޕެނަލްޓީ ޖަހައިގެނެވެ.

އިޓަލިއަން ލީގު ފެށުމަށް ހަމަޖެހިފައިވަނީ އޮގަސްޓު މަހުގެ 19 ވަނަ ދުވަހުއެވެ.