އުމްރާއަށް ދާ މީހުންނަށް ޖަހާ ވެކްސިން އެބަހުރި، މި ހަފުތާގައި އިތުރު ސްޓޮކެއް ލިބޭނެ: އެސްޓީއޯ
21 ފެބުރުއަރީ 2023 | އަންގާރަ 17:24އުމްރާއަށް ދިއުމުގެ ކުރިން ޖަހަނީ މެނިންޖައިޓިސް ވެކްސިން
ތޯހިރާ އަޒްހާރް | 21 ފެބުރުއަރީ 2023 | އަންގާރަ 17:24
އެސްޓީއޯ ފާމަސީ
އުމްރާއަށް ފުރުމުގެ ކުރިން ޖަހާ "މެނިންޖައިޓިސް ވެކްސިން" ހެލްތު މިނިސްޓްރީއާ ހަވާލުކޮށްފައިވާކަމަށް އެސްޓީއޯއިން ބުނެފިއެވެ.
އެސްޓީއޯ މެޑިކަލް ސަރވިސަސްއިން ކުރި ޓްވީޓެއްގައި ބުނީ، މެނިންޖައިޓިސް ވެކްސިންގެ ސްޓޮކެއް ހޯމަ ދުވަހު ހެލްތު މިނިސްޓްރީއާ ހަވާލުކޮށްފައިވާކަމަށެވެ. އަދި އިތުރު ސްޓޮކެއް ބުރާސްފަތި ދުވަހު ލިބޭނެ ކަމަށް އެސްޓީއޯއިން ބުނެފައިވެއެވެ.
އެސްޓީއޯއިން އިތުރަށް ބުނީ ހަކުރުބައްޔާއި ހިތުގެ ބަލިތަކަށް ދާއިމީކޮށް ބޭނުންކުރާ އާންމު ބޭސްތައްވެސް އެސްޓީއޯއިން ލިބެން ހުންނާނެ ކަމަށެވެ.
