ފާޓިލިޓީ ސެންޓަރުން 49 މީހުންނަށް މިހާތަނަށް ވަނީ ޚިދުމަތްދީފަ- އައިޖީއެމްއެޗް
ޑޮކްޓަރަށް ދެއްކުމަށް 259 މީހުން ވަނީ ނަން ނޯޓް ކޮށްފަ
އައިޖީއެމްއެޗް
އައިޖީއެމްއެޗްގެ ފާޓިލިޓީ ސެންޓަރުގެ ހިދުމަތް މިދިއަ ޖެނުއަރީ މަހުގައި ފަށާފައިވާ އިރު މިހާތަނަށް 49 މީހުންނަށް ފަރުވާދީފައިވާ ކަމަށް އެ ހޮސްޕިޓަލުން ހާމަކޮށްފި އެވެ.
އައިޖީއެމްއެޗްގެ އޮފިޝަލަކު ވިދާޅުވީ، އެ ހޮސްޕިޓަލުން ދާދި ފަހުން ޚިދުމަތް ދޭން ފަށާފައިވާ ފާޓިލިޓީ ސެންޓަރުން 49 ޕޭޝަންޓަކަށް ތިން ދުވަހުގެ ތެރޭގައި ޚިދުމަތް ދީފައިވާ ކަމަށެވެ.
އައިޖީއެމްއެޗުގައި މި ޚިދުމަތް ދީފައިވަނީ މިދިޔަ ޖެނުއަރީ މަހުގެ ދޭކުން ހަތަރަކަށެވެ.
އެ ހޮސްޕިޓަލުގައި ޕާޓިލިޓީ ޚިދުމަތް މިހާރު ދެނީ ވިޒިން ޑޮކްޓަރެކެވެ. އެގޮތުން މިމަހުގެ ވެސް ޑޮކްޓަރު ބެއްލެވުމަށް އައިސްފާ އިރު ހޮނިހިރު ދުވަހުން ފެށިގެން ތިން ދުވަހުގެ މުއްދަތަކަށް އިންޑިޔާގެ އެންޔޫ ހޮސްޕިޓަލްގެ ޑރ އަޝްވިނީ ޝަދަޝިވަން އެ ހޮސްޕިޓަލުގައި ފަރުވާ ދެމުންގެންދާނެ ކަމަށް އައިޖީއެމްޗުން ބުނެ އެވެ.
ފެބްރުއަރީ ހަތަކުން ހަޔަކަށް ފާޓިލިޓ ޚިދުމަތްދޭ އިރު ކޮންމެ ދުވަހަކު 25 ޕޭޝަނުން ބެލުމަށް ހަމަޖެހިފައިވާ ކަމަށް އައިޖީއެމްއެޗުން މައުލޫމާތުދެވެ.
ޔޫރޯރީނަލް ފާޓިލިޓީ ސެންޓަރު ހުޅުވާފައިވަނީ ނިމިދިއަ އަހަރުގެ ނޮވެމްބަރު މަހުގެ 20 ވަނަ ދުވަހު އެވެ. މި ސެންޓަރުން ކުޑަކަމުދާ ނިޒާމުގެ ބަލިތަކަށާއި ކިޑްނީގެ ބޮޑެތި ބަލިތަކަށް ވެސް ފަރުވާދެވޭނެ ކަމަށް އައިޖީއެމްއެޗުން ބުނެ އެވެ. އެގޮތުން ބަޑުގައި އުފެދޭ ހިލަ ގޮއްވާލުން އޮޕަރޭޝަންތައްވެސް ކުރެވޭނެ ކަމަށް އެ ހޮސްޕިޓަލުން މީގެ ކުރިން ވަނީ ބުނެފަ އެވެ.
ދަރިމައިވުމާ ގުޅޭ މައްސަލަތަކާއި ގުޅޭ ޚިދުމަތަށް އާސަންދަ ލިބޭ ގޮތައް ހަމަޖެހިފައެއް ނުވެއެވެ.
މިހާތަނަށް ހިދުމަތަށް އެދި 259 މީހުން ނަން ނޯޓް ކޮށްފައިވާ ކަމަށް އައިޖީއެމްއެޗުން ބުނެ އެވެ.
ދަރިމައި ނުވުމުގެ މައްސަލަތަކަށް އަމިއްލަ ބައެއް ކްލިނިކްތަކުގައިވެސް ބޭރުގެ ވިޒިޓިންގ ޑޮކްޓަރުން ގެންދަވަނީ ޚިދުމަތް ދެއްވަމުންނެވެ.
