ރަޝިއާއާއި ގުޅިގެން ތެޔޮ އުފެއްދުން މަދުކުރުމަށް ސައުދި އަރަބިއްޔާއިން ނިންމުމުން އެމެރިކާގެ ރައީސް ޖޯ ބައިޑަން ނުރުހުން ފާޅުކުރައްވައިފިއެވެ.
ފާއިތުވި ހަފްތާގައި ސައުދީން ވަނީ އެގައުމުން ތެޔޮ އުފެއްދާ މިންވަރު މަދުކުރަން ނިންމާފައިވާކަން އިއުލާނުކުރައްވާފައެވެ. ދެން އެގައުމުން ދުވާލަކު ތެޔޮ އުފައްދާނީ މީގެ ކުރިން ތެޔޮ އުފައްދަމުން އައި މިންވަރަށްވުރެ 2 މިލިއަން ބެރެލް މަދުންނެވެ.
ސައުދީގެ މި ނިންމުމާ ގުޅޭގޮތުން ބައިޑަން ސީއެންއެންއަށް ވިދާޅުވީ ރަޝިއާގެ އެ ނިންމުމާއެކު އެގައުމަށް ގޮންޖެހުންތަކެއް ކުރިމަތިވާނެ ކަމަށެވެ. އަދި ސައުދީއާއި އެމެރިކާއާ ދެމެދު އޮންނަ ގުޅުން އަލުން އިވެލުއޭޓު ކުރައްވަން ނިންމަވާފައިވާކަން ވައިޓް ހައުސްއިން ވަނީ ހާމަކޮށްފައެވެ.
ސައުދީގެ މި ނިންމުމަށް ގިނަ ފާޑުކިޔުންތަކެއް ދަނީ އަމާޒުވަމުންނެވެ. ސައުދީން ރަޝިއާއާ އެއްކޮޅަށް މި ނިންމުން ނިންމާފައިވަނީ ދުނިޔޭގެ ބަޒާރުގައި ތެލުގެ އަގު އިންތިހާއަށް އުފުލެމުންދާ ދަނޑިވަޅެއްގައެވެ.
