ތެލުގެ ވިޔަފާރި ކުރުމަށްޓަކައި ހއ. ކެލާ ބަނދަރުގެ ހުޅަނގުކޮޅުން ބިން ދޫކުރުމަށް, އެރަށު ކައުންސިލުން ނިންމައިފިއެވެ.

ކެލާ ކައުންސިލުން މައުލޫމާތުދޭގޮތުގައި ތެލުގެ ވިޔަފާރި ކުރުމަށްޓަކައި އެރަށުގެ ބަނދަރުން 1500 އަކަފޫޓުގެ 2 ބިން ކުއްޔަށް ދޫކުރުމަށް ވަނީ ނިންމާފައެވެ. އަދި މި 2 ބިން ކުއްޔަށް ދޫކުރުމަށް ނިންމާފައިވަނީ 25 އަހަރު ދުވަހުގެ މުއްދަތަކަށެވެ. މީގެ އިތުރުން ކެލާ ކައުންސިލުން މައުލޫމާތު ދޭ ގޮތުގައި މި ބިންތައް ދޫކުރެވޭ އެންމެ ކުޑަ ކުއްޔަކީ އަކަފޫޓަކަށް -/01(އެއް ރުފިޔާ)އެވެ.

ތެލުގެ ވިޔަފާރި ކުރުމަށްޓަކައި މައުލޫމާތު ސާފުކުރުމާއި ޕްރޮޕޯޒަލް ހުށަހެޅުމުގައި ބައިވެރިވެވޭނީ, ކުންފުނި، ޕާޓްނަރޝިޕް، ލޯކަލް އިންވެސްޓްމަންޓް، އަދި އަމިއްލަ ފަރުދުންގެ ވިޔަފާރި ކުރުމުގެ ހުއްދަ ލިބިފައިވާ ފަރާތްތަކަށްކަމަށް ކެލާ ކައުންސިލުން މައުލޫމާތުދޭއެވެ. އެހެންކަމުން މި ކަމަށް ޝައުގުވެރިވާ ފަރާތްތަކުން 20 އޭޕްރީލް 2022ން ފެށިގެން 28 އޭޕްރީލް 2022ގެ ނިޔަލަށް, ބަންދު ނޫން ކޮންމެ ދުވަހަކު 09:00ން 13:00ށް ކެލާ ކައުންސިލް އިދާރާގެ ކައުންޓަރަށް ދިއުމުން ރަޖިސްޓްރީކުރެވޭނެ ކަމަށްވެސް އެ އިދާރާއިން މައުލޫމާތުދެއެވެ. މީގެ އިތުރުން އޮންލައިންކޮށް ރަޖިސްޓްރީކުރަން ބޭނުންވާ ފަރާތްތަކުން ކައުންސިލްގެ މެއިލް އެޑްރެސް[email protected] އަދިކައުންސިލްގެ ވައިބަރ ނަންބަރ 9650027ށް މެއިލް އަދި ވައިބަރ މެދުވެރިކޮށް, ވިޔަފާރީގެ ނަން، ގުޅޭނެ ނަންބަރު، އީމެއިލް އެޑްރެސް, އަދި ހުށަހަޅާ ފަރާތުގެ ނަން ފޮނުވައިގެން ރަޖިސްޓްރީ ކުރުމުގެ އިންތިޒާމް ހަމަޖެހިފައިވާނެކަމަށެވެ. އަދި އަންދާސީ ހިސާބު ހުށަހެޅޭނީ މިމުއްދަތުގައި ރަޖިސްޓްރީކުރާ ފަރާތްތަކަށް ކަމަށްވެސް އެ އިދާރާއިން މައުލޫމާތުދެއެވެ.

ކެލާ ކައުންސިލުން މައުލޫމާތުދޭ ގޮތުގައި މައުލޫމާތު ސާފުކުރުމުގެ ސެޝަނެއް 28 އޭޕްރީލް 2022ވާ ބުރާސްފަތި ދުވަހުގެ 13:00ގައި ކުރިއަށް ގެންދިއުމަށް ނިންމާފައިވެއެވެ. އަދި އަންދާސީ ހިސާބު ހުށަހެޅުން ކުރިއަށްގެންދިއުމަށް ނިންމައިފައިވަނީ 9 މެއި 2022ވާ ހޯމަ ދުވަހުގެ 13:00ގައި ކެލާ ކައުންސިލް އިދާރާގަައެވެ.