ފިލިޕީންސަށް ބާރުގަދަ ބިންހެލުމެއް އަތުވެއްޖެ

ފިލިޕީންސްގެ ދެ ވަނަ އަށް އެންމެ ބޮޑު ރަށް ކަމަށްވާ މިންޑަނާއޯ އަށް ބާރުގަދަ ބިން ހެލުމެއް އަތުވެއްޖެއެވެ.

ޔޫއެސް ޖިއޮލޮޖިކަލް ސާވޭ އިން މައުލޫމާތު ދޭގޮތުގައި ފިލިޕީންސްގެ މިންޑަނާއޯއަށް އައިސްފައި ވަނީ 6.7 މެގްނިޓިއުޑްގެ ބިން ހެލުމެކެވެ. ބިމުގެ 11 ކިލޯ މީޓަރު އަޑިން އައި އެ ބިންހެލުމުގެ ސަބަބުން މިހާތަނަށް ދެމީހަކު ޒަކަމްވެފައިވާއިރު ބައެއް އިމާރާތްތަކަށް ވަނީ ގެއްލުންވެފައެވެ.

މީގެ އިތުރުން މި ބިންހެލުމުގެ ސަބަބުން ގިނަ ބަޔަކު ވަނީ އެމީހުންގެ ގެތަކުން އެހެން ހިސާބުތަކަށް ބަދަލުކޮށްފައިކަމަށް އޮފިޝަލުން ބުނެއެވެ. ނަމަވެސް ބިން ހެލުމުގެ ސަބަބުން ފިލިޕީންސްގެ ދެވަނަ ސިޓީ ސެބޫއަށާއި އިތުރު ސަރަހައްދުތަކަށް ލޮޅުން އައިސްފައިވާ ކަމަށް ރިޕޯޓްތައް ބުނެއެވެ.

ޔޫއެސް ނޭޝަނަލް އޯޝޭނިކް އެންޑް އެޓްމޮސްފެރިކް އެޑްމިނިސްޓްރޭޝާންގެ ޕެސިފިކް ސުނާމީ ވޯނިން ސެންޓަރުގެ ވެބްސައިޓުގައި ބުނެފައިވަނީ، ބިން ހެލުމުގެ ސަބަބުން ސުނާމީގެ އެއްވެސް ނުރައްކަލެއް ނެތް ކަމަށެވެ.