"ކެލާ ސުޕަރ ލީގު 2022"ގައި ބައިވެރިވުމުގެ ފުރުސަތު ހުޅުވާލައިފި
1 ފެބުރުއަރީ 2022 | އަންގާރަ 18:31މުބާރާތް ފެށުމަށް ހަމަޖެހިފައި ވަނީ ޖުލައި 15ގައި
މަލީހާ ރަޝީދު | 1 ފެބުރުއަރީ 2022 | އަންގާރަ 18:31
ހއ. ކެލާ
ހއ. ކެލާ ކައުންސިލުން އިންތިޒާމްކޮށްގެން ބޭއްވުމަށް ހަމަޖެހިފައިވާ "ކެލާ ސުޕަރ ލީގު 2022" ފުޓްބޯޅަ މުބާރާތުގައި ޓީމްތައް ރަޖިސްޓަރީ ކުރުމުގެ ފުރުސަތު ހުޅުވާލައިފިއެވެ.
ކެލާ ކައުންސިލުން މައުލޫމާތުދޭ ގޮތުގައި މި މުބާރާތުގައި ބައިވެރިވާން ބޭނުންވާ ޓީމްތައް ރަޖިސްޓަރީ ކުރުމުގެ ފުރުސަތު ހުޅުވާލާފައިވަނީ 28 ފެބްރުއަރީ 2022 ވާ ހޯމަ ދުވަހުގެ 14:00ގެ ނިޔަލަށެވެ. އެގޮތުން ކެލާ ކައުންސިލުން ރާވައި ހިންގާ ކުޅިވަރު މުބާރާތްތަކުގައި ޓީމްތައް ބައިވެރިވުމާބެހޭ އުސޫލުގައިވާ ގޮތުގެ މަތިން, މި މުބާރާތުގައި ބައިވެރިވުމަށް އެދޭ ޓީމްތަކުން ރަޖިސްޓްރީ ކުރުމުގެ ކަންކަން ފުރިހަމަ ކުރުމަށް އެކައުންސިލުން އެދިފައިވެއެވެ.
މި މުބާރާތް ފެށުމަށް ހަމަޖެހިފައި ވަނީ 15 ޖުލައި 2022 ވާ ހުކުރު ދުވަހުއެވެ.
