ޖޯޑަންގައި ރަމަޟާން މަހަށް މަރުހަބާ ކިޔަނީ ވަރަށް ކުލަގަދަކޮށް

ކޮންމެ އަހަރަކުވެސް ރަމަޟާން މަހު އާލިއާ ރަބީ އޭނާގެ ދަރިފުޅާއެކު ބާޒާރުކުރަން ނުކުންނަނީ ހިތްހަމަޖެހިގެންނެވެ. ޖޯޑަންގެ އާދަކާދައާ އެއްގޮތަށް ރަމަޟާން މަހަށް ތައްޔާރުވެ ޒީނަތްތެރި ކުރުމަށް ބޭނުންވާ އެކި ކުލަކުލައިގެ ރީތި ސާމާނު އޭނާ ހޯދައެވެ.

ނިވިދިއްލޭ ބޮކިތަކުން ފެށިގެންގޮސް ނަން ހުސްކޮށް މިކަހަލަ އެކި ސާމާނުން ގެ ޒީނަތްތެރި ކުރަނީ ރަމަޟާން މަހުގެ ހިތްހަމަ ޖެހުމާ އުފާވެރިކަން މުޅި އާއިލާއަށް ގެނެސްދިނުމަށެވެ.

މުޅި މާރުކޭޓްގައި މީހުން ގެންދަނީ މިފަދަ ސާމާނު ގަންނަމުންނެވެ.

ފާއިތުވި އަހަރު ކޮވިޑްގެ ލޮކްޑައުންގެ ސަބަބުން އެންމެ ފުރިހަމައަށް ޒީނަތްތެރިކުރުމުގެ ކަންކަން ކުރިއަށް ނުގެންދެވުނެވެ.

ފިހާރަތައް ހިންގާ ފަރާތްތަކުން ބުނީ، މިދިޔަ އަހަރު ވިޔަފާރިވަރަށް ދަށް ކަމަށެވެ. އެހެންނަމަވެސް މި އަހަރު ރަނގަޅުވާނެ ކަމަށެވެ.

"އެހެން އަހަރުތަކާ ޚިލާފަށް މިއަހަރު އޮތް ޑިމާންޑް ވަރަށް ބޮޑު. މިދިޔަ އަހަރު ލޮކްޑައުންގައިވެސް ފުދޭވަރެއްގެ ބޮޑު ޑިމާންޑެއް އޮތް. އެކަމަކު މި އަހަރު މާ ރަނގަޅު މި އަހަރުގެ މާހައުލު ވަރަށް ހިތްގައިމު. މިތަނަށް ބަލާލުމުންވެސް ރަނގަޅު ޑިމާންޑެއް އޮތްކަން އެނގޭނެ" ފިހާރައެއް ހިންގަމުން އަންނަ އަލީ އަލީ ބުންޏެވެ.

"ރަމަޟާން މަހުގެ ހަގީގީ މާނަ ފުރިހަމަވަނީ ޒީނަތްތެރި ކަމާއެކު. ޚާއްސަކޮށް ކުޑަ ކުދިންނަށް. ކުދިން ވަރަށް ގަޔާވާ ކަމެއް މިއީ. ޚާއްސަކޮށް އެމީހުން ރޯދަ ހިފުމަށްވެސް  އިތުރު ހިތްވަރެއް ލިބޭ. އަބަދުވެސް، ކިތަންމެ އަގު ބޮޑު ވިޔަސް ޖޯޑަންގެ މީހުން މިކަން ކުރާނެ" ޚައިދު އަލް އަލް ހަޖާޔާ ބުންޏެވެ.

"ކޮވިޑަށް ފަހު ފިހާރަތައް ހުޅުވުނީތީ އުފާކުރަން. މިއަހަރުގެ ޑިމާންޑް ވަރަށް ބޮޑު. ރަމަޟާން މަހަށް ވަރަށް ފުރިހަމައަށް ތައްޔާރުވީ. މިދިޔަ އަހަރު ގޭގައި ތިބެން ޖެހުމުން މީހުން ތިބީ ހިތްހަމަ ނުޖެހިފައި" ފިހާރައެއް ހިންގަމުން އަންނަ ނިދާލް ކިޔައި ދިނެވެ.

އާލިއާ އޭނާގެ ދަރިފުޅާއެކު މި އަހަރު ވިޔަފާރި ކުރަމުން ގެންދިޔައީ ހިތްހަމަޖެހިގެންނެވެ. ރަމަޟާން މަހަށް ގެ ޒިނަތްތެރިކުރުމަށެވެ.

"އަހަރެންގެ ދަރިފުޅާއެކު މި ގޮތަށް ބާޒާރަށް ނުކުމެ މި މާހަލުގައި އުޅެވޭތީ ވަރަށް ހިތްހަމަ ޖެހޭ" ޖޯޑަންގެ ރައްޔިތެއް ކަމަށްވާ އާލިއާ ރަބީ ބުންޏެވެ.

ދުނިޔޭގެ ހުރިހާ ކަންކޮޅެއްގައިވެސް ރަމަޟާން މަހަށް ތައްޔާރުވަމުން އަންނަނީ ވަރަށް ފުރިހަމައަށެވެ. އެ ގައުމެއްގައި އޮންނަ އާދަ ކާދައާ އެއްގޮތަށެވެ.