ކުކުޅެއް ރޭޕްކުރި ކުށުގައި ކެންޔާ މީހަކު 15 މަހަށް ޖަލަށްލާން ހުކުމް ކޮށްފި

ކުކުޅެއް ރޭޕްކުރި ކަމުގެ ކުށް ސާބިތުވެ ކެންޔާގެ އުމުރުން 18 އަހަރުގެ ފިރިހެނަކު 15 މަސް ދުވަހަށް ޖަލަށްލާން ކެންޔާގެ މެޖިސްޓްރޭޓް ކޯޓަކުން ހުކުމް ކޮށްފިއެވެ.

ކެވިން ސެމިޔީ މި ނުބައި އަމަލު ހިންގަނިކޮށް ފެނިފައިވަނީ ކުކުޅުގެ ވެރި މީހާއަށެވެ.

މި ނުލާފާ އަމަލު ހިންގިންތޯ ޝަރީއަތުގެ މަޖިލީހުގައި ފަނޑިޔާރު ސުވާލު ކުރުމުން އޭނާ ބުނީ އެކަން އޭނާ ކުރިކަމަށާއި އަދި އެ މަންޒަރު ކުކުޅުގެ ވެރިމީހާ އަށް ފެނުނު ކަމަށް އެއްބަސްވާ ކަމަށެވެ.

ކުކުޅުގެ ވެރިމީހާ ކޯޓުގައި ބުނީ ސެމިޔީގެ ނުބައި އަމަލު ހިންގިތާ ދެތިން ދުވަހުގެ ތެރޭގައި ކުކުޅު މަރުވެއްޖެ ކަމަށެވެ.

މި ފިރިހެން މީހާ ކުށަށް އިއުތިރާފު ވުމަށްފަހު އޭނާގެ މައްޗަށް ކަނޑައެޅޭ އަދަބު ލުއިކޮށް ދިނުމަށް ޝަރީއަތުގެ މަޖިލީހުގައި ގާޒީގެ ކިބައިން އެދުނެވެ. ނަމަވެސް ގާޒީ ވަނީ އެކަމަށް ފަރުވާލެއް ނުދީ ޖަނަވާރަކާ ޖިންސީ ގުޅުން ހިންގުމުގެ ކުށުގައި އޭނާގެ މައްޗަށް 15 މަސް ދުވަހުގެ ޖަލު ހުކުމެއް ކަނޑައަޅާފައެވެ.