ރޯދަމަހަށް ޑްރާމާ ސީރީޒްއެއް އުފެއްދުމަށް އަނެއްކާ ވެސް ރާއްޖެޓީވީއާ އެކު ސޮއިކޮށްފިއެވެ.
ބުދަދުވަހުގެ ރޭ ރާއްޖެޓީވީއާ އެކު ސޮއި ކޮށްފައި ވަނީ ފިލްމީ ތަރި ޒިޔާ އަދި ކޮޕީ އިއްސެއެވެ.
އިޖުތިމާއީ ކަންތައްތައް ދައްކުވައިދޭ މަޖާ މި ސީރީޒްގެ ފަސް އެޕިސޯޑެއް ގެނެސްދިނުމަށް ވަނީ ނިންމާފައެވެ. ރޯދަމަހަށް ސީރީޒް އުފެއްދުމަށް ސޮއިކުރި ރަސްމިއްޔާތުގައި ވާހަކަ ދައްކަމުން ޒިޔާ ބުނީ މިއީ އޭނާ އާއި އިއްސެގެ ފުރަތަމަ ޕްރޮޑަކްޝަން ކަމަށާއި ރާއްޖެޓީވީން އެފަރާތްތަކަށް އިތުބާރުކޮށް އެފުރުސަތު ދިނީތީ ޝުކުރު އަދާކުރާ ކަމަށެވެ.
މިރަސްމިއްޔާތުގައި ވާޙަކަދައްކަވަމުން ރާއްޖެޓީވީގެ ޗީފް އޮޕަރޭޓިން އޮފިސަރ ހުސައިން ފިޔާޒު މޫސާ ވިދާޅުވީ މި ސީރީޒްތަކުގެ ސަބަބުން ރޯދަމަހު ރާއްޖެޓީވީގެ ރަހަ ހެޔޮވެގެންދާނެ ކަމަށެވެ.
ރޯދަމަހުގެ ހަފްތާއަކު އެއްފަހަރު ފެނިގެންދާ މި ސީރީޒްގެ ސްކްރިޕްޓް ލިޔާނީ ކޮޕީ މުހައްމަދު ރަޝީދެވެ.
މި ފަހަރުގެ ރޯދަ މަހު މީގެ އިތުރުން ވެސް ބައެއް އެހެން ޑްރާމާތައް ރާއްޖެޓީވީން ފެނިގެންދާނެއެވެ. އެ ގޮތުން މީގެ ކުރިން ސީރީޒްއެއް އުފެއްދުމަށް ފިލްމީ ތަރި އަލީ ސީޒަންއާ އެކު އެއްބަސްވުމެއްގައި ރާއްޖެޓީވީން ވަނީ ސޮއިކޮށްފައެވެ.
