ސީޒަނާއި އެކު ރާއްޖެޓީވީއިން ރޯދަމަހަށް ޚާއްސަ ސީރީޒްއެއް

ރާއްޖޭގެ ގިނަ ބައެއްގެ މަގުބޫލުކަން ލިބިފައިވާ ފިލްމު ކުޅުންތެރިޔާ އަލީ ސީޒަންއާއި އެކު ރާއްޖެޓީވީއިން ޚާއްސަ ސީރީޒްއެއް ގެނެސްދިނުމަށް ނިންމައިފިއެވެ.

އަންގާރަދުވަހުގެރޭ ރާއްޖެޓީވީއާއި ސީޒަންގެ ޕްރޮޑަކްޝަން ހައުސް ކަމަށްވާ ޔެސް ޕްރޮޑަކްޝަނާއިއެކު ވަނީ އެ ސީރީޒް ހެދުމަށް ސޮއި ކޮށްފައެވެ.

""މީ ރާއްޖެ" ކިޔާ މިސީރީޒް އަކީ މާލެ ހިމެނޭގޮތަށް ރާއްޖޭގެ އެކި ރަށްރަށުގައި ދިމާވާ ދަތިތަކާއި އެދަތިތައް ހައްލުކުރުމަށް މަގުފަހި ކުރުމަށް އުފައްދާ ސީރީޒްއެއް ކަމަށް ސީޒަން ވަނީ ބުނެފައެވެ.

މިރަސްމިއްޔާތުގައި ވާހަކަ ދައްކަވަމުން ރާއްޖެޓީވީގެ ޗީފް އޮޕަރޭޓިން އޮފިސަރ ފިޔާޒު މޫސާ ވިދާޅުވީ މި ސީރީޒްގެ ސަބަބުން މައްސަލަތައް ހައްލުކޮށް ސީޒަން ދައްކުވައިދޭ މައްސަލަތަކަށް ދާއިމީ ހައްލެއް ލިބިގެންދާނެ ކަމަށް އުއްމީދު ކުރައްވާކަމަށެވެ.

ސީޒަންގެ "މީރާއްޖެ" ދެއްކުމަށް ހަމަޖެހިފައިވަނީ ހަފްތާއަކު ޕްރޮގްރާމެއްގެ ގޮތަށް 5 އެޕިސޯޑުގެ މައްޗަށެވެ.