ދެކުނު ސަރަހައްދީ އޮފީހުގެ ހިންގުމުގެ ޚަރަދަށް މިދިޔަ އަހަރު 1.8 މިލިއަން ރުފިޔާ ޚަރަދުކޮށްފި
15 އޮކްޓޯބަރު 2021 | ހުކުރު 06:202020 ވަނަ އަހަރު ކޮށްފައިވަނީ މައިގަނޑު 3 ބާވަތެއްގެ އޮޑިޓު
ރިޕޯޓުގައި އާއްމުކޮށްފައިވާ ތަފާސްހިސާބުތައް،
ދެކުނު ސަރަހައްދީ އޮފީހުގެ މުވައްޒަފުންގެ މުސާރައާއި ދަތުރުފަތުރާއި ހިންގުމުގެ ޚަރަދަށް 2020 ވަނަ 1.8 މިލިއަން ރުފިޔާ ޚަރަދުކޮށްފިއެވެ.
އޮޑިޓަރ ޖެނެރަލްގެ އޮފީހުގެ ދެކުނު ސަރަހައްދީ އޮފީހުގެ 2020 ވަނަ އަހަރުގެ އަހަރީ ރިޕޯޓުގައި ބުނެފައިވަނީ ދެކުނު ސަރަހައްދީ އޮފީހުގެ މުވައްޒަފުންގެ މުސާރައާއި ދަތުރުފަތުރާއި ހިންގުމުގެ ޚަރަދަށް 2020 ވަނަ އަހަރު 1.8 މިލިއަން ރުފިޔާ ޚަރަދުކޮށްފައިވާ ކަމަށެވެ. އެހެންކަމުން ދެކުނު ސަރަހައްދަށް ދައުލަތުގެ އާމްދަނީ އާއި ޚަރަދަށް ޔަގީންކަން (އެޝުއަރަންސް) ހޯދުމަށް ސަރަހައްދީ އޮފީހެއް ހިންގުމަށް ނިސްބަތުން ކުރެވެނީ ކުޑަ ޚަރަދެއް ކަމަށް ރިޕޯޓުގައި ބުނެފައިވެއެވެ.
އޮޑިޓް ރިޕޯޓާއި މެނޭޖްމަންޓް ލެޓަރ ނިންމާލެވުނު 20 އިދާރާގެ އޮޑިޓުގެ ތެރޭގައި ހިމެނެނީ އޮޑިޓް ރިޕޯޓް ނިންމާލެވިފައިވާ 13 ލޯކަލް ކައުންސިލުގެ އޮޑިޓާއި، މެނޭޖްމެންޓް ލެޓަރ ނިންމާފައިވާ 04 ސްކޫލްގެ އޮޑިޓާއި، 01 ރީޖަނަލް ހޮސްޕިޓަލް އޮޑިޓާއި، 01 މެޖިސްޓްރޭޓް ކޯޓާއި، 01 މޯލްޑިވްސް ކަސްޓަމްސް ސަރވިސަސް (ގަން އަދި ހިތަދޫ ބްރާންޗް) އޮފީހުގެ އޮޑިޓެވެ.
މީގެ އިތުރުން ދެކުނު ސަރަހައްދީ އޮފީހުން 2020 ވަނަ އަހަރު ކޮށްފައިވާ އޮޑިޓްތައް ދެކުނު ސަރަހައްދީ އޮފީހުން ކުރުމަށް ރާވާ އޮޑިޓްތަކަކީ ވެސް އޮޑިޓަރ ޖެނެރަލްގެ އޮފީހުން ކުރާ އެހެން އޮޑިޓް ތަކެކޭ އެއްފަދައިން އޮޑިޓަރ ޖެނެރަލްގެ އޮފީހުގެ އަހަރީ ބަޖެޓާއެކު ރައްޔިތުންގެ މަޖިލީހަށް ހުށަހަޅާ އަހަރީ މަސައްކަތުގެ ޕްލޭނުގައި ހިމަނައިގެން ކުރާ އޮޑިޓްތަކެކެވެ. މި ޕްލޭނުގައި ހިމެނޭ އޮޑިޓްތަކަށް އުނި އިތުރު ގެނެވޭނީ އޮޑިޓަރ ޖެނެރަލްގެ ހުއްދައާ އެކު އޮޑިޓަރ ޖެނެރަލް ކަނޑައަޅުއްވާ އުސޫލެއްގެ މަތީންނެވެ. އަހަރީ މަސައްކަތުގެ ޕްލޭނުގައި ކުރަން ރާވާ އޮޑިޓްތަކުގެ ބާވަތާއި ސްކޯޕް ވެސް ކަނޑައެޅިފައިވެއެވެ. ދެކުނު ސަރަހައްދީ އޮފީސް މެދުވެރިކޮށް 2020 ވަނަ އަހަރު ކޮށްފައިވަނީ މައިގަނޑު 3 ބާވަތެއްގެ އޮޑިޓެވެ. އެއީ ފައިނޭންޝަލް އޮޑިޓް، ކޮމްޕްލަޔަންސް އޮޑިޓް އަދި ސްޕެޝަލް އޮޑިޓެވެ.
2020 ވަނަ އަހަރު ދެކުނު ސަރަޙައްދީ އޮފީހުގެ ރިވައިސްޑް އެނުއަލް ވޯކް ޕްލޭންގައި ކުރަން ހަމަޖެހިފައިވަނީ 31 އިދާރާއެއްގެ އޮޑިޓެވެ. އޭގެ ތެރެއިން 20 އިދާރާގެ އޮޑިޓުގެ ފީލްޑް މަސައްކަތް 31 ޖަނަވަރީ 2021 ގެ ނިޔަލަށް ނިންމާލެވިފައިވެއެވެ. އެގޮތުން 29 ފެބްރުއަރީ 2021 ގެ ނިޔަލަށް މި އޮޑިޓްތަކުގެ ތެރެއިން 20 އިދާރާގެ މެނޭޖްމެންޓްލެޓަރ ވަނީ ނިންމިފައެވެ. ދެކުނު ސަރަހައްދީ އޮފީހުގެ 2020 ވަނަ އަހަރު އޮޑިޓްކުރަން ކަނޑައެޅި މަސައްކަތު ޕްލޭންގެ 65 އިންސައްތަ ހާސިލްކޮށްފައިވާކަން ރިޕޯޓުގައި ފާހަގަކޮށްފައިވެއެވެ.
2020 ވަނަ އަހަރު އޮޑިޓް ކުރި އިދާރާތަކުގެ ފައިސާގެ އަދަދުގެ ތެރޭގައި ހިމެނެނީ އެ އިދާރާތަކަށް އާމްދަނީގެ ގޮތުގައި ޖުމްލަ ލިބިފައިވާ -/118،747,846 (ސަތޭކަ އަށާރަ މިލިއަން ހަތްލައްކަ ސާޅިސްހަތް ހާސް އަށްސަތޭކަ ސާޅިސްހައެއް) ރުފިޔާ އާއި އެ އިދާރާތަކުން ޖުމްލަ ޚަރަދު ކޮށްފައިވާ -/267,080,102 (ދުވިސައްތަ ފަސްދޮޅަސް ހަތް މިލިއަން އަށްޑިހަ ހާސް ސަތޭކަ ދޭއް) ރުފިޔާއެވެ.
