އަނގޮޅިތީމު ބަނދަރު ތަރައްޤީކުރުން: އެއްގަމުތޮށިލާ ނިންމައި، މިސްރާބު ޕޭވްމަންޓު ހެދުމަށް!
29 ޖޫން 2021 | އަންގާރަ 02:56އެއްގަމުތޮށި ލުމުގެ މަސައްކަތް ނިންމާލާފައިަވނީ 24 ޖޫން 2021ގައި
ރ. އަނގޮޅިތީމު ބަނދަރު ތަރައްޤީކުރުމުގެ ތެރެއިން
ރ. އަނގޮޅިތީމު ބަނދަރުގެ އެއްގަމުތޮށި ލުމުގެ މަސައްކަތް ނިންމާލައިފިއެވެ.
ރ. އަނގޮޅިތީމް ބަނދަރު ތަރައްޤީކުރުމުގެ މަޝްރޫޢުގެ ދަށުން، ކުރަމުންދިޔަ އެއްގަމުތޮށި ލުމުގެ މަސައްކަތް ނިންމާލާފައިވަނީ 24 ޖޫން 2021 ގައިކަމަށް މަސައްކަތް ހަވާލުކުރި އެމްޓީސީސީން ވަނީ ހާމަކޮށްފައެވެ. އެކުންފުނިން ބުނީ މި މަޝްރޫޢުގެ ދަށުން ކުރާ މަސައްކަތްތަކުގެ ތެރެއިން ޕޭވްމަންޓް ހެދުމުގެ މަސައްކަތް މި ހަފްތާ ތެރޭގައި ފެށުމަށް ހަމަޖެހިފައިވާކަމަަށެވެ.
އަނގޮޅިތީމް ބަނދަރު ތަރައްޤީކުރުމުގެ މަޝްރޫޢުއަކީ މިނިސްޓްރީ އޮފް ނެޝަނަލް ޕްލޭނިން، ހައުސިންގ އެންޑް އިންފްރާސްޓްރަކްޗަރގެ ފަރާތުން އެމްޓީސީސީއާ ހަވާލުކޮށްގެން ކުރިއަށްގެންދާ މަޝްރޫއެކެވެ. މި މަޝްރޫޢަކީ 40.7 މިލިއަން ރުފިޔާގެ މަޝްރޫއެކެވެ. މި މަޝްރޫޢުގެ ދަށުން، 42،615 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 221 މީޓަރުގެ ސަރަޙައްދެއްގައި ބޭރުތޮށި ލުމާއި، 166 މީޓަރުގެ ސަރަޙައްދެއްގައި ރިވެޓްމެންޓް ޖެހުން ހިމެނެއެވެ. އަދި 91 މީޓަރުގެ ސަރަޙައްދެއްގައި އެއްގަމުތޮށި ލުމާއި، 1110 އަކަ މީޓަރުގެ ސަރަޙައްދެއްގައި ޕޭވްމެންޓް ހެދުމާއި، މަގުބައްތި ހަރުކުރުމާއި ނެރުބައްތި ހަރުކުރުމުގެ މަސައްކަތް ވެސް މި މަޝްރޫޢުގައި ހިމެނޭކަމަށް އެމްޓީސީސީން ވަނީ ހާމަކޮށްފައިވެއެވެ.
