ވިޔަފާރި-އިގްތިސާދު

އެމެރިކާއާއި އީރާނުގެ އެއްބަސްވުމާއެކު ދުނިޔޭގެ ބާޒާރުގައި ތެލުގެ އަގު ދަށަށް ހިނގައްޖެ

އެމެރިކާއާއި އީރާނުގެ މަސްރަހު ފިނިކުރުމަށް ޕާކިސްތާނުން ކުރި މަސައްކަތުން އެއްބަސްވުމަކަށް އާދެވި، ހުރުމުޒް އަލުން ހުޅުވާލަން ނިންމުމާ ގުޅިގެން ދުނިޔޭގެ ބާޒާރުގައި ތެލުގެ އަގު ވަނީ ބޮޑުތަނުން ދަށަށް ގޮސްފައި. މި އެއްބަސްވުމުގައި ރަސްމީކޮށް ސޮއިކުރުން އަންނަ ހުކުރު ދުވަހު ސްވިޒަލޭންޑްގައި ބޭއްވުމަށް ހަމަޖެހިފައިވާއިރު، މީގެ ސަބަބުން ތެލުގެ މުއާމަލާތްތައް އެއްވެސް ހުރަހެއް ނެތި ކުރިއަށްދާނެ ކަމުގެ ޔަގީންކަން އެމެރިކާގެ ރައީސް ވަނީ ދެއްވާފައި. ފާއިތުވި މަސްތަކުގައި ހަނގުރާމައިގެ ސަބަބުން ތެލުގެ އަގު 120 ޑޮލަރަށް އުފުލުނު ނަމަވެސް، މި އާ އެއްބަސްވުމާއެކު ބްރެންޓް ކްރޫޑް ފީފާއެއްގެ އަގު މިހާރު ވަނީ 84.02 ޑޮލަރަށް ވެއްޓިފައި.