ބީއެމްއެލް ކޮމިއުނިޓީ ފަންޑުން ޅައިމަގުގައި ކޮމިއުނިޓީ ބީޗެއް ގާއިމުކޮށްފި
22 މާރިޗު 2022 | އަންގާރަ 01:17މިހާތަނަށް ކޮމިއުނިޓީ ފަންޑުގެ ދަށުން 65 ޕްރޮޖެކްޓެއް ހިންގަން ފަންޑުކޮށްފައިވޭ
ޅައިމަގު ކޮމިއުނިޓީ ބީޗް
ބީއެމްއެލް ކޮމިއުނިޓީ ފަންޑުގެ ދަށުން ށ. ޅައިމަގުގައި ކޮމިއުނިޓީ ބީޗް ސަރަހައްދެއް ގާއިމްކޮށްފިއެވެ.
ބީއެމްއެލްއިން ގެންދަނީ ކޮމިއުނިޓީ ފަންޑުގެ ދަށުން، ދެމެހެއްޓެނެވި ގޮތެއްގައި ރަށްރަށުގައި ހިންގަން ބޭނުންވާ ޕްރޮޖެކްޓްތަކަށް އެހީތެރިވަމުންނެވެ. މިގޮތުން މިހާތަނަށް އައިއިރު ބީއެމްއެލްއިން ވަނީ ގިނަ އަދަދެއްގެ ޕްރޮޖެކްޓުތަކެއް ހިންގުމަށް މާލީ އެހީތެރިކަން ފޯރުކޮށްދީފައެވެ.
ޅައިމަގުގައި ގާއިމުކޮށްފައިވާ ކޮމިއުނިޓީ ބީޗް ގައި ވަނީ ދަތުރުގޮސް އުޅޭ ފަރާތްތަކަށް ފަސޭހަވާނެހެން ބާބަކިއު ހެދޭނެ އިންތިޒާމް ހަމަޖައްސާފައެވެ. އެގޮތުން ހަޓާއެކު ބެންޗު ބަހައްޓައި އަދި ޕިކްނިކް މޭޒާއި ޖޯލިވެސް ވަނީ ބަހައްޓާފައެވެ. އެސަރަހައްދުގައި ވަނީ އިޔާދަ ކުރަނިވި ހަކަތައިން ދިއްލޭ ބައްތި ހަރުކޮށް ރޭގަނޑުވެސް މިތަން ބޭނުންކުރެވޭނެ އިންތިޒާމް ހަމަޖައްސާފައެވެ.
މިހާތަނަށް ބީއެމްއެެލްއިން ވަނީ ކޮމިއުނިޓީ ފަންޑުގެ ދަށުން 65 ޕްރޮޖެކްޓް ހިންގުމަށް ފައިސާގެ އެހީ ފޯރުކޮށްދީފައެވެ.
