ތުރުކީގައި ލޮކްޑައުން އިއުލާން ކޮށްފިއެވެ.

ތުރުކީގައި ލޮކްޑައުން އިއުލާންކޮށްފައި މިވަނީ ބުރާސްފަތި ދުވަހުން ފެށިގެން އަންނަ މެއި މަހުގެ 17 ވަނަ ދުވަހުގެ ނިޔަލަށެވެ. ލޮކްޑައުން އިއުލާން ކުރައްވަމުން އެގައުމުގެ ރައީސް އުރުދުޣާން ވިދާޅުވީ، އެގައުމުން ކޮވިޑަށް ޕޮޒިޓިވްވާ މީހުންނާއި، ބަލީގައި މަރުވާ މީހުންގެ އަދަދު އިތުރުވަމުން އަންނާތީ ރައްޔިތުންގެ ސަލާމަތާއި ރައްކާތެރިކަމަށްޓަކައި ގައުމު ލޮކްޑައުންއަކަށް ދިޔުން މިހާރު މުހިއްމު ކަމަށެވެ.

ފާއިތުވި 24 ގަޑިއިރު އެގައުމުގެ ހެލްތް މިނިސްޓްރީން އާންމުކޮށްފައިވާ ތަފާސްހިސާބުތައް ދައްކާގޮތުން، 37،312 މީހުން ކޮވިޑަށް ޕޮޒިޓިވްވެގެން ރިޕޯޓުކޮށްފައިވެއެވެ. އަދި 353 މީހުން ބަލީގައި މަރުވެފައިވެއެވެ.

ހޯމަދުވަހުގެ ކެބިނެޓް ބައްދަލުވުމުގައި ނިންމާފައިވަނީ، ލޮކްޑައުންގެ ހާލަތުގައި ދަތުރުފަތުރުކުރުމުގައި ރަސްމީ ހުއްދައެއް ބޭނުންވާނެ ކަމަށާއި، ސްކޫލްތައް ބަންދުކޮށް އޮންލައިންކޮށް ކިޔަވައިދިނުން ބަދަލުކުރުމާއި، އާއްމު ދަތުރުފަތުރުތަކުގައި ހަރުކަށި ފިޔަވަޅުތަކެއް އެޅުމަށެވެ.

ބުރާސްފަތި ދުވަހުގެ ހެނދުނު 7:00 ފެށިގެން މެއި މަހުގެ 17 ވަނަ ދުވަހުގެ 02:00ގެ ނިޔަލަށް، ގެއިން ބޭރަށް ނުކުމެވޭނީ ހަމައެކަނި، ޒަރޫރީ ވިޔަފާރިތަކަށާއި، ބޭސްފަރުވާގެ ބޭނުމަށެވެ.

"ޔޫރަޕްގެ ގައުމުތައް ހުޅުވާލުމަށް މަސައްކަތް ފަށާފައިވާއިރު، ކޭސްތައް އިތުރުވުން ހުއްޓުމަކަށް ނާންނަނަމަ އެކަމުން ގައުމުގެ އިގްތިސާދާއި ފަތުރުވެރިކަމަށް ބޮޑެތި ގެއްލުންވާނެ" އުރުދުޢާން ވިދާޅުވިއެވެ.

ތުރުކީގައި 8 މިލިއަން މީހުން ވެކްސިންގެ ދެ ޑޯޒް ފުރިހަމަކޮށްފައިވެއެވެ. ޗައިނާއިން ކޮވިޑް 19 އަށް އުފައްދާފައިވާ ވެކްސިން އެތެރެކުރުމަށް، ތުރުކީން އަންނަނީ ބާރު އަޅަމުންނެވެ. ތުރުކީގައި އަންނަނީ، ފައިޒާ އަދި ރަޝިއާގެ ސްޕަޓްނިކް ވެކްސިން ވެސް ބޭނުންކުރަމުންނެވެ.