ކ. މާލެ
|
7 އޭޕްރިލް 2021 | ބުދަ 12:43
ރައްޔިތުންގެ މަޖިލީހުގެ ޖަލްސާގެ ތެރެއިން
ރައްޔިތުންގެ މަޖިލީހުގެ ޖަލްސާގެ ތެރެއިން
މަޖިލިސް
މެމްބަރުން ސަލާމުގައި ތިއްބެވުން
22 މެމްބަރުން ސަލާމުގައި، މީގެތެރެއިން 20 މެމްބަރުން ތިއްބެވީ ދާއިރާތަކުގައި
 
އުސޫލާއި އެއްގޮތަށް ދާއިރާތަކަށް ވަޑައިގެންތިއްބެވީ 2 މެމްބަރުން
 
އެ މެމްބަރުން ވަޑައިގެންނެވިއިރު އާންމު ކޮމިޓީގެ އުސޫލު އޮތީ ފާސް ނުވެ

ލޯކަލް ކައުންސިލްގެ އިންތިޚާބުގެ ކުރިން ރައްޔިތުންގެ މަޖިލީހުން ބާއްވާ އެންމެ ފަހު ޖަލްސާ ކަމުގައިވާ ބުދަ ދުވަހުގެ ޖަލްސާއަށް 22 މެމްބަރުން ސަލާމް ވިދާޅުވެއްޖެއެވެ.

ބުދަ ދުވަހުގެ ޖަލްސާ ފައްޓަވަމުން ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވަނީ އާންމުކޮށް ޖަލްސާތައް ފައްޓަވަމުން އިއުލާންކުރައްވާ ހާޒިރީ އިއުލާންކުރައްވާފައެވެ. އެގޮތުން ޖަލްސާ ފައްޓެވިއިރު ޖަލްސާއަށް ވަޑައިގެންތިއްބެވީ 22 މެމްބަރުން ކަމަށާއި ސަލާމުގައި 22 މެމްބަރުން ތިއްބެވި ކަމަށް ރައީސް ނަޝީދު ވިދާޅުވިއެވެ. ރަސްމީ ދަތުރުގައި 2 މެމްބަރުން ތިއްބެވިއިރު ކަރަންޓީނުގައި 3 މެމްބަރުން ތިއްބެވިކަމަށް ރައީސް ނަޝީދު ވިދާޅުވިއެވެ.

ރައީސް ނަޝީދު ވިދާޅުވީ ސަލާމުގައި ތިއްބެވި 22 މެމްބަރުންގެ ތެރެއިން 20 މެމްބަރުން ތިއްބެވީ އެމެމްބަރުންގެ ދާއިރާތަކުގައި ކަމަށެވެ.

މެމްބަރުން ދާއިރާއަށް ކުރާ ދަތުރުތަކަކީ ރަސްމީ ދަތުރުތައް ގޮތުގައި ކަނޑައަޅަން އާންމު ކޮމިޓީން ވަނީ ނިންމައިފަ އެވެ. މަޖިލިސް މެމްބަރުން ދާއިރާއަށް ކުރައްވާ ދަތުރުތަކަކީ ރަސްމީ ދަތުރުތަކުގެ ގޮތުގައި ކަނޑައެޅުމަށް މަޖިލިސް އިދާރާއަށް ލިޔުމަކުން ހުއްދައަށް އެދެން ޖެހޭނެ އެވެ. އަދި ދަތުރު ކުރެވޭނީ އިދާރާއިން ހުއްދަ ދިނުމުންނެވެ.

ރައީސް ނަޝީދު ވިދާޅުވީ އެ މެމްބަރުން ވަޑައިގެންނެވިއިރު އާންމު ކޮމިޓީގެ އުސޫލު އޮތީ ފާސް ނުވެ ކަމަށެވެ.

އެހެންނަނަމަވެސް އެމެމްބަރުން ދާއިރާތަކަށް ވަޑައިގެންނެވިއިރު އާންމު ކޮމިޓީގެ އުސޫލު ފާސްނުވެ އޮތީ. އުސޫލާ އެއްގޮތަށް ދާއިރާތަކަށް ވަޑައިގެންތިއްބެވީ އަލިފުށީ ދާއިރާގެ މެމްބަރު މުހައްމަދު ރަޝީދު ހުސައިން އާއި ކުޅުދުއްފުށީ ދެކުނު ދާއިރާގެ މެމްބަރު ޖަމްޝީދު މުހައްމަދު
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު

އަންނަ ހޮނިހިރު ދުވަހު ބާއްވާ ލޯކަލް ކައުންސިލް އިންތިޚާބުގެ ކުރިން މެމްބަރުން ވަނީ އެ މެމްބަރުން ނިސްބަތްވެވަޑައިގެންނަވާ ދާއިރާތަކަށް ވަޑައިގަންނަވާފައެވެ. ރިކޯޑް އަދަދަކަށް މިއަދުގެ ޖަލްސާގައި މެމްބަރުން ސަލާމުގައި ތިއްބެވިއިރު މިހަފްތާގެ ޖަލްސާތަކުގެ ހާޒިރީ އެހެން ހަފްތާތަކާއި އަޅާބަލާއިރު ދަށްކަން ފާހަގަވެއެވެ. އެގޮތުން އަންގާރަ ދުވަހުގެ ޖަލްސާގައި 17 މެމްބަރުން ސަލާމުގައި ތިއްބެވިއިރު މިހަފްތާގެ ހޯމަ ދުވަހުގެ ޖަލްސާގައި 13 މެމްބަރުން ސަލާމުގައި ތިއްބެވިއެވެ.

މަޖިލީހުގެ ރައީސް މީގެކުރިން ވިދާޅުވީ މެމްބަރަކު ކެމްޕޭނަށް އެ މެމްބަރެއްގެ ދާއިރާއަށް ވަޑައިގަންނަވަން ބޭނުންނަމަ، މަޖިލީހުގައި އެކަމަށް އެދިއްޖެނަމަ އެމަނިކުފާނު އެކަމެށް ފަހިކޮށްދެއްވާނެ ކަމަށެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން
ރިވިއު ކުރީ: ޙުސައިން މަޚްތޫމް
0%
0%
0%
0%
0%
0%
ކޮމެންޓް