އައްސޭރި ޖަލުގެ ޑިރެކްޓަރ ޝާހީން ކޮރަޕްޝަން މައްސަލައެއްގައި ސަސްޕެންޑް ކޮށްފި
އައްސޭރި ޖަލުގެ ޑިރެކްޓަރ އޮފް ޕްރިޒަންސްގެ މަގާމުގައި ހުންނެވި ސްޕްރިޑެންޓް އޮފް ޕްރިޒަން މުހައްމަދު ޝާހީން އަލީ ކޮރަޕްޝަން މައްސަލައެއްގައި ސަސްޕެންޑް ކުރުން
އައްސޭރި ޖަލުގެ ޑިރެކްޓަރ މުހައްމަދު ޝަހީން އަލީ: ކޮރަޕްޝަން މައްސަލައެއްގައި ވަނީ ސަސްޕެންޑް ކޮށްފައި
މޯލްޑިވްސް ކަރެކްޝަނަލް ސަރވިސްގެ ދަށުން ހިންގަމުންދާ ޖަލެއް ކަމަށްވާ ކ. ހިންމަފުށީގައި ހުންނަ އައްސޭރި ޖަލުގެ ޑިރެކްޓަރ އޮފް ޕްރިޒަންސްގެ މަގާމުގައި ހުންނެވި ސްޕްރިޑެންޓް އޮފް ޕްރިޒަން މުހައްމަދު ޝާހީން އަލީ ސަސްޕެންޑްކޮށްފިއެވެ.
އައްސޭރި ޖަލުގެ ޑިރެކްޓަރ ޑިރެކްޓަރ އޮފް ޕްރިޒަން މުހައްމަދު ޝާހީން އަލީ ސަސްޕެންޑް ކޮށްފައިވާކަން މޯލްޑިވްސް ކަރެކްޝަނަލް ސަރވިސްއިން ވަނީ "ރާއްޖެއެމްވީ" އަށް ކަށަވަރު ކޮށްދެއްވާފަ އެވެ. އޭނާ ސަސްޕެންޑް ކޮށްފައިވަނީ، ކޮރަޕްޝަންގެ މައްސަލަތަކެއްގެ ތުހުމަތުގައެވެ.
އެނގިފައިވާ ގޮތުގައި މުހައްމަދު ޝާހީން އަލީ މަގާމުން ސަސްޕެންޑް ކޮށްފައިވަނީ އޭނާގެ މައްޗަށް ތުހުމަތު ކުރެވޭ ކޮރަޕްޝަނުގެ މައްސަލަ މިދިއަ ބުރާސްފަތި ދުވަހު ތަހުގީގު ކުރަން ފެށުމާ ގުޅިގެންނެވެ.
އޭގެ އިތުރުން މުހައްމަދު ޝާހީން އަލީ ސަސްޕެންޑް ކުރީ އައްސޭރި ޖަލުގެ ވަށާ ފާރާއި ރިހެބިލިޓޭޝަން އިންފްރާސްޓްރަކްޗަރ ތަރައްގީ ކުރުމުގެ ޕްރޮޖެކްޓެއްގެ ތެރެއިން، ކަމާ ނުގުޅޭ ގުދަންތަކެއްގެ މަސައްކަތް ކުރިކަން ފާހަގަވެގެން ކަމަށް ވަނީ އިނގިފައެވެ. މިއީ ދައުލަތުގެ ބަޖެޓުން ޚަރަދުކޮށްގެން ޕީއެސްއައިޕީގެ ދަށުން ހިންގީ ޕްރޮޖެކްޓެކެވެ
ކަރެކްޝަނަލް ސާވިސްގެ ކޯޕަރޭޓިވް ސޮސައިޓީ ކަމަށްވާ ޕްރިސްކޯ މެދުވެރިކޮށް، ގިނަ ކޮރަޕްޝަނުގެ އަމަލުތަކެއް ހިންގަމުންދާ ކަމުގެ އަޑުތަކެއް ފެންމަތިވެފައި ވެއެވެ.
