ވައިގަދަވެ މާލެއިން ގަސްތަކެއް ވެއްޓިއްޖެ
15 މެއި 2020 | ހުކުރު 09:36ފަސް ސަރަހައްދެއްގެ ގަސް ވަނީ ވެއްޓިފައި
ވެއްޓުނު ގަސްތައް ނެގުމުގައި ސިފައިން ހަރަކާތްތެރިވަނީ
ބުރާސްފަތި ދުވަހުގެރޭ ފަތިހު މާލެއަށް ކުރި ވިއްސާރާގައި ގަސްތަކެއް ވެއްޓި ގެތަކުގެ ފުރާޅަށް ގެއްލުން ލިބިއްޖެ އެވެ.
މޯލްޑިވްސް ނޭޝަނަލް ޑިފެންސް ފޯރސް (އެމްއެންޑީއެފް) އިން ބުނީ، ފަސް ސަރަހައްދަކުން ރޭގެ އެކި ވަގުތުތަކުގައި ގަސް ވެއްޓިފައިވާ ކަމަށެވެ. އެއީ، ހެންވޭރު ސަހަރާ ސަރަހައްދާއި، މާވެޔޮ މަގު، ދިވެހިރާއްޖެ އަޑު، މުލިއާގެ ކައިރީގައި ހުންނަ ކޮއްތު ހަޓުގެ އިތުރުން ވިލިގިލި ފެރީޓާމިނަލް ސަރަހައްދުން ކަމަށް އެމްއެންޑީއެފުން ބުނެއެވެ.
އެމްއެންޑީއެފުން ބުނީ، ދެތަނެއްގެ ފުރާޅު އެއްލާލައިގެން އެހީތެރިކަން ފޯރުކޮށްދީފައިވާނެ ކަމަށެވެ. އެއީ އެސްޓިއޯގެ ގުދަނުގެ އިތުރުން ގ. ސައްލިގެ އެވެ. މި ދުވަސްވަރަކީ މޫސުން ގޯސް ދުވަސް ވަރަކަށްވާތީވެ ކަނޑު ދަތުރުކުރާ ފަރާތްތަކުން ސަމާލުވުމަށް އެމްއެންޑީއެފުން ވަނީ އިލްތިމާސް ކޮށްފައެވެ.
