ހުޅުމާލޭގައި ރޯހައުސެއްގެ ބެލްކަނިން ކުޑަ ކުއްޖަކު ވެއްޓިއްޖެ
28 ފެބުރުއަރީ 2017 | އަންގާރަ 13:14އެ ކުއްޖާއަށް ހުޅުމާލެ ހޮސްޕިޓަލުގައި ދަނީ ފަރުވާ ދެމުން
ހުޅުމާލޭގައި އިމާރާތްކޮށްފައިވާ ރޯ ހައުސެއް --
ހުޅުމާލެ ރޯ ހައުސެއްގެ ފުރަތަމަ ފަންގިފިލާގެ ބެލްކަނިން ކުޑަ ކުއްޖަކު ވެއްޓިއްޖެ އެވެ.
ފުލުހުންގެ މީޑިއާ އޮފިޝަލް "ރާއްޖެއެމްވީ"އަށް މައުލޫމާތު ދެމުން ވިދާޅުވީ އަންގާރަ ދުވަހުގެ ހެނދުނު 10:00 ޖަހާއެހާކަންހާއިރު ހުޅުމާލެ ރޯ ހައުސެއްގެ ބެލްކަނިން ހަތަރު އަހަރުގެ ކުއްޖަކު ވެއްޓިގެން ރިޕޯޓް ކޮށްފައިވާ ކަމަށެވެ.
އޮފިޝަލް ވިދާޅުވީ އެ ކުއްޖާގެ ބޭރުފުށުން މާބޮޑު އަނިޔާއެއް ނެތް ކަމަށާއި ނަމަވެސް އެ ކުއްޖާ ހުޅުމާލެ ހޮސްޕިޓަލްގައި އެޑްމިޓްކޮށް، ފަރުވާ ދެމުންދާ ކަމަށެވެ. އަދި އެކުއްޖާގެ ޓެސްޓްތައް ހަދަމުންދާ ކަމަށް ވެސް އޮފިޝަލް ވިދާޅުވި އެވެ.
މި މައްސަލައާބެހޭ އިތުރު ތަފްސީލެއް ފުލުހުން ހާމައެއް ނުކުރެ އެވެ. އަދި މިހާދިސާގައި މައުލޫމާތު ހުޅުމާލެ ހޮސްޕިޓަލުން ވެސް ވަނީ ލިބޭގޮތް ނުވެފަ އެވެ.
